پٹنہ ضلع کے 14 اسمبلی سیٹوں پر 149 امیدوار میدان میں، انتظامیہ منصفانہ انتخابات کے لیے پرعزمپٹنہ، 21 اکتوبر (ہ س)۔ ضلع الیکشن آفیسر وضلع مجسٹریٹ تیاگ راجن ایس ایم اور سینئر سپرنٹنڈنٹ آف پولیس کارتکیہ کے شرما نے مشترکہ طور پر نامہ نگاروں سے خطاب کرتے ہوئے کہا کہ 2025 کے بہار قانون ساز اسمبلی کے عام انتخابات کے پہلے مرحلے کے لیے نامزدگی اور دستبرداری کا عمل مکمل ہو چکا ہے۔ پٹنہ ضلع میں کل نو امیدواروں نے پرچہ نامزدگی واپس لے لیے ہیں، جس سے ضلع کی 14 اسمبلی سیٹوں پر 149 امیدوار میدان میں ہیں۔دونوں افسران نے کہا کہ انتظامیہ کی اولین ترجیح صاف، منصفانہ، خوف و ہراس سے پاک، شفاف اور شرکت پر مبنی انتخابات کا انعقاد ہے۔ پوری انتظامی اور پولیس مشینری اس مقصد کے لیے چوکس، تیار اور پرعزم ہے۔انہوں نے بتایا کہ نامزدگی واپس لینے کا عمل مکمل ہونے کے بعد مکامہ میں 8 امیدوار میدان میں ہیں، باڑھ میں 12، بختیا پور میں 9، دیگھا میں 11، بانکی پور میں 9، کمہرار میں 13، پٹنہ صاحب میں 10، فتوحہ میں 12، داناپور میں 7، منیر میں 13، پھلواری (ایس سی ) میں 12، مسوڑھی (ایس سی ) میں 9، پالی گنج میں 14 اور بکرم میں 10 امیدوار میدان میں ہیں۔ ان سیٹوں کے لیے پہلے مرحلے کے تحت 6 نومبر کو ووٹنگ ہوگی جبکہ 14 نومبر کو گنتی ہوگی۔ گنتی کے بعد نتائج کا اعلان کیا جائے گا۔ہندوستھان سماچار

ہندوستان سماچار / Mohammad Afzal Hassan