نئی دہلی، 11 اکتوبر (ہ س)۔

دہلی حکومت کے تین روزہ سودیسی اتسو2025 میں توقعات سے کم فروخت ہونے کے باوجود، خواتین کاروباری افراد حکومت کے اس اقدام کے بارے میں پرجوش ہیں۔ انہیں مستقبل میں دہلی حکومت کی مدد سے عالمی تجارتی میلے میں اپنے دیسی مصنوعات کے اسٹال لگانے کے لئے جگہ ملنے کے ساتھ ایسے اور بڑے پروگرام کی امید ہے ۔

دہلی حکومت کے تین روزہ سودیسی اتسو (اکتوبر 9-11) میں مائیکرو، اسمال اینڈ میڈیم انٹرپرائزز (ایم ایس ایم ای)، کاریگروں، خواتین کاروباریوں، سیلف ہیلپ گروپس، او ڈی او پی ایکسپورٹرز، اور ایس سی/ایس ٹی کاروباریوں کی طرف سے اسٹالز لگائے گئے ہیں۔ دہلی کی وزیر اعلیٰ ریکھا گپتا نے 9 اکتوبر کو سودیسیاتسو کا افتتاح کرتے ہوئے لوگوں سے دیسی مصنوعات خریدنے پر زور دیا۔

للیتا دیوی، جنہوں نے سودیسیاتسو کے آخری دن پہاڑی اچار فروخت کرنے کا ایک اسٹال لگایا، کہا کہ ان کے پاس مختلف قسم کے اچار ہیں، جن میں مرچ، لیموں، لہسن، انجیر اور مکس اچار شامل ہیں۔ انہوں نے دہلی حکومت کے مفت اسٹال اور اس طرح کے پروگرام کے انعقاد پر اپنی خوشی کا اظہار کیا۔ انہوں نے کہا کہ اس طرح کی تقریبات خواتین کاروباریوں کی حوصلہ افزائی کرتی ہیں اور انہیں اپنی مصنوعات کو بڑے پیمانے پر فروغ دینے کا موقع فراہم کرتی ہیں۔اس کے علاوہ دیگر کاروباری اور اسٹال ہولڈر خواتین نے دہلی حکومت کے اقدام کی تعریف کی ۔

ہندوستھان سماچار

ہندوستان سماچار / عطاءاللہ