منڈی ، 11 اکتوبر (ہ س)۔وزیراعلیٰ سکھوندر سنگھ سکھو نے کہا کہ سابقہ بی جے پی حکومت نے ٹھیکیداروں کو فائدہ پہنچانے کے لیے ریاست بھر میں 1,000 کروڑ روپے کی عمارتیں تعمیر کی تھیں۔ منڈی ضلع کے کارسوگ میں ایک جلسہ عام سے خطاب کرتے ہوئے وزیر اعلیٰ نے کہا کہ ریاستی بی جے پی لیڈر اضافی قرض لینے میں رکاوٹ ڈال رہے ہیں، جس کی ان کے دور میں اجازت دی گئی تھی۔انہوں نے کہا کہ موجودہ حکومت نے ملازمین کے مستقبل کو محفوظ بنانے کے لیے پرانی پنشن اسکیم کو بحال کیا ، لیکن اس فیصلے کے نتیجے میں مرکزی حکومت نے ہماچل پردیش پر پابندیاں عائد کر دیں۔ مرکز نے ریاست کی قرض لینے کی حد کو ? 1,600 کروڑ کم کر دیا ہے۔ انہوں نے کہا کہ تمام دباو¿ کے باوجود کانگریس حکومت او پی ایس سے پیچھے نہیں ہٹے گی۔ انہوں نے کہا کہ بی جے پی لیڈر بار بار پوچھتے ہیں کہ خواتین کو 1500 روپے کب ملیں گے۔ انہوں نے کہا کہ ہم نظامی تبدیلی کے ساتھ آگے بڑھ رہے ہیں اور حکومت جلد ہی تمام اہل خواتین کو 1,500 پنشن فراہم کرے گی۔

انہوں نے الزام لگایا کہ سابقہ بی جے پی حکومت نے ٹھیکیداروں کو فائدہ پہنچانے کے لیے ریاست بھر میں 1000 کروڑ روپے کی عمارتیں تعمیر کیں۔ انہوں نے کہا کہ سراج اسمبلی حلقہ کے چھتری میں 40 کروڑ روپے کی لاگت سے آئی ٹی آئی کی عمارت تعمیر کی گئی تھی ، لیکن آج وہاں صرف 18 طلباءزیر تعلیم ہیں۔ انہوں نے کہا کہ موجودہ ریاستی حکومت لوٹ مار کے دروازے بند کر رہی ہے اور عام لوگوں کے لیے اسکیمیں متعارف کر رہی ہے۔

سکھو نے کہا کہ ریاستی حکومت دیہی معیشت کو مضبوط کرنے کی کوششیں کر رہی ہے۔ ریاستی حکومت نے دودھ کی قیمت میں تاریخی اضافہ کیا ہے۔ ریاستی حکومت کسانوں سے گائے کا گوبر خرید رہی ہے۔ مزید برآں، قدرتی کاشتکاری کے ذریعے پیدا ہونے والی گندم ، مکئی اور کچی ہلدی بالترتیب 60، 40 اور 90 روپے فی کلو کے حساب سے خریدی جا رہی ہے۔ ریاستی حکومت نے دیہی باشندوں کو فائدہ پہنچانے کے لیے دو سالوں میں منریگا کی اجرت میں 80 روپے کا اضافہ کیا ہے۔

اس موقع پر وزیر اعلیٰ نے بیوہ اور اکیلی خواتین ہاو¿سنگ اسکیم کے تحت 12 مستفیدین کو 18 لاکھ روپے کی مالی امداد فراہم کی جس میں ہر ایک کو 1.50 لاکھ روپے کی پہلی قسط بھی شامل ہے۔ اسکیم کے تحت اہل بیواو¿ں اور اکیلی خواتین کو گھر کی تعمیر کے لیے 3 لاکھ روپے فراہم کیے جاتے ہیں۔

ہندوستھان سماچار

ہندوستان سماچار / Mohammad Khan