مجموعی تمغوں کی تعداد ہوئی60، تمغوں کی فہرست میں بھارت آٹھویں نمبر پرنئی دہلی، 30 ستمبر(ہ س)۔
جاپان کے آئیچی-ناگویا میں جاری ایشین گیمز 2026 میں بھارت نے بدھ کو شاندار کارکردگی کا مظاہرہ کرتے ہوئے مجموعی طور پر 7 تمغے اپنے نام کیے، جن میں 4 طلائی، ایک چاندی اور 2 کانسہ کے تمغے شامل ہیں۔ چاروں طلائی تمغے بھارتی تیراندازوں اور نشانہ بازوں نے جیتے۔ دن کے کھیل ختم ہونے کے بعد بھارت کے مجموعی تمغوں کی تعداد 60 ہوگئی ہے، جس میں 10 طلائی، 21 چاندی اور 29 کانسہ کے تمغے شامل ہیں۔ بھارت تمغوں کی فہرست میں آٹھویں مقام پر ہے۔
کمپاؤنڈ تیر اندازی میں بھارت نے تینوں طلائی تمغے جیت کر شاندار ہیٹ ٹرک مکمل کی۔ خواتین کی کمپاؤنڈ ٹیم میں جیوتی سریکھا وینم، چکیتا تنیپارتی اور پرتھیکا پردیپ نے چین کو 238-234 سے شکست دے کر طلائی تمغہ جیتا۔ بھارتی ٹیم کا 238 کا اسکور عالمی ریکارڈ کی برابری کرنے والا رہا۔مکسڈ کمپاؤنڈ ٹیم میں چکیتا تنیپارتی اور ساحل جادھو نے شوٹ آؤٹ میں جنوبی کوریا کو شکست دے کر طلائی تمغہ حاصل کیا۔ اس کامیابی کے ساتھ بھارت نے لاس اینجلس 2028 اولمپکس کے مکسڈ کمپاؤنڈ ٹیم ایونٹ کا کوٹہ بھی حاصل کرلیا۔مردوں کی کمپاؤنڈ ٹیم میں ساحل جادھو، گنیش منی رتنم تھیرومورو اور کشل دلال نے چین کو 238-237 سے شکست دے کر طلائی تمغہ اپنے نام کیا۔
ٹریپ مکسڈ ٹیم مقابلے میں نیرو دھانڈا اور کنان چنائی نے بھارت کو طلائی تمغہ دلایا۔ بھارتی جوڑی نے 40 میں سے 34 پوائنٹس حاصل کرتے ہوئے ایشیائی ریکارڈ قائم کیا۔ ٹریپ مکسڈ ٹیم ایونٹ میں یہ بھارت کا پہلا طلائی تمغہ ہے۔مردوں کے 25 میٹر ریپڈ فائر پسٹل کوالیفکیشن کے پہلے مرحلے میں انیش بھانوَالا نے 290 پوائنٹس حاصل کیے۔ اس مقابلے کا دوسرا مرحلہ اور فائنل یکم اکتوبر کو ہوگا۔
خواتین کے 60 کلوگرام زمرے میں پریا گھنگھاس کو سیمی فائنل میں چین کی یانگ چینگیو کے ہاتھوں 1-4 سے شکست کے بعد کانسی کے تمغے پر اکتفا کرنا پڑا۔خواتین کے 75 کلوگرام زمرے میں لولیینا بورگوہین نے قازقستان کی نتالیہ بوگدانووا کو 3-2 سے شکست دے کر فائنل میں جگہ بنائی۔ اس کامیابی کے ساتھ ان کا کم از کم چاندی کا تمغہ یقینی ہوگیا ہے۔مردوں کے 90 کلوگرام زمرے میں کپل پوکھریا کو سیمی فائنل میں ازبکستان کے تورابیک حبیب اللہ یوف سے 1-4 سے شکست ہوئی اور انہیں کانسہ کا تمغہ ملا۔
بھارتی خواتین ہاکی ٹیم نے جنوبی کوریا کو 2-0 سے شکست دے کر فائنل میں جگہ بنالی۔ اب طلائی تمغے کے مقابلے میں بھارت کا سامنا چین سے ہوگا۔
یونانی-رومی کشتی کے 87 کلوگرام زمرے میں سنیل کمار نے فلپائن کے کیلم جانسٹن رابرٹس کو 9-0 سے تکنیکی برتری کی بنیاد پر شکست دے کر کانسہ کا تمغہ جیتا۔ ایشین گیمز میں سنیل کا یہ دوسرا کانسہ کا تمغہ ہے۔ وہ یونانی-رومی کشتی میں ایشین گیمز کے دو تمغے جیتنے والے پہلے بھارتی پہلوان بن گئے ہیں۔خواتین کے 68 کلوگرام زمرے میں نشا دہیا کو ری پی چج مقابلے میں شمالی کوریا کی پاک سول گم کے ہاتھوں شکست کے بعد مقابلے سے باہر ہونا پڑا۔
بھارتی خواتین ٹیم نے کوارٹر فائنل میں سنگاپور کو 2-0 سے شکست دے کر سیمی فائنل میں جگہ بنائی۔ مردوں کی ٹیم نے بھی کویت کو 2-0 سے شکست دے کر آخری چار میں داخلہ حاصل کرلیا۔مردوں کے سنگلز کے تیسرے راؤنڈ میں سمت ناگل نے ازبکستان کے سرگئی فومین کو 6-3، 6-2 سے شکست دے کر کوارٹر فائنل میں جگہ بنالی۔ وہیں دکشینیشور سریش کو چینی تائپے کے تسینگ چون-ہسین کے خلاف 3-6، 4-6 سے شکست ہوئی۔
مردوں کے ڈبلز میں انیرودھ چندرشیکھر-این سری رام بالاجی اور یوکی بھامبری-دکشینیشور سریش کی جوڑیاں کوارٹر فائنل میں شکست کے بعد مقابلے سے باہر ہوگئیں۔مردوں کے انفرادی اسٹروک پلے کے پہلے راؤنڈ میں سپتک تلوار نے چار انڈر 66 کا اسکور بنایا اور مشترکہ دوسرے مقام پر رہے۔ ویر اہلاوت اور یوراج سندھو نے ایک اوور 71 کا کارڈ کھیلا۔ بھارتی مردوں کی ٹیم تین انڈر کے اسکور کے ساتھ مشترکہ پانچویں مقام پر رہی۔خواتین کے زمرے میں پرنوی ارس نے چار انڈر 66 کا اسکور بنایا، جبکہ ادیتی اشوک اور دکشا ڈاگر نے ایک اوور 71 کا کارڈ کھیلا۔ بھارتی خواتین ٹیم تین انڈر کے ساتھ مشترکہ چھٹے مقام پر رہی۔
ہندوستھان سماچار
ہندوستان سماچار / Mohammad Khan
