ممبئی، 30 ستمبر (ہ س)۔ سلمان خان کے ریئلٹی شو ’بگ باس 20‘ میں تین ہفتے گزارنے کے بعد اداکارہ ایشا رِیکھی کا سفر ختم ہوگیا ہے۔ ’ویک اینڈ کا وار‘ میں ناظرین سے سب سے کم ووٹ ملنے کے بعد انہیں شو سے باہر ہونا پڑا۔ باہر آنے کے بعد ایشا نے سوشل میڈیا پر اپنا پہلا باضابطہ بیان شیئر کیا۔ انہوں نے اپنے مداحوں کا شکریہ ادا کرتے ہوئے کہا کہ شو میں گزارے گئے تین ہفتے ان کے لیے جذبات، چیلنجز، ہنسی، آنسو اور کئی تجربات سے بھرپور رہے، جنہیں وہ ہمیشہ یاد رکھیں گی۔

ایشا نے اپنی پوسٹ میں تسلیم کیا کہ ’بگ باس‘ کا سفر ان کے لیے آسان نہیں تھا۔ انہوں نے بتایا کہ شو کے دوران انہیں کئی بار جذباتی طور پر ٹوٹنا پڑا اور کچھ مواقع پر وہ اپنی بات صحیح طریقے سے نہیں رکھ سکیں۔ اداکارہ نے کہا کہ ممکن ہے کہ ان کے رویے سے کچھ مداح مایوس ہوئے ہوں اور اس کے لیے انہوں نے دل سے معافی مانگی۔ ایشا نے یہ بھی کہا کہ وہ ابھی اپنے پورے تجربے کو سمجھنے کی کوشش کر رہی ہیں اور اس سفر کو اپنے لیے سیکھنے کا ایک تجربہ مانتی ہیں۔

شو سے باہر آنے کے بعد ایشا نے اپنے مداحوں کا مسلسل حمایت کرنے پر شکریہ ادا کیا۔ انہوں نے کہا کہ مشکل وقت میں ان کے ساتھ کھڑے رہنے اور انہیں سمجھنے کے لیے وہ سب کی شکر گزار ہیں۔ ’بگ باس 20‘ میں ایشا کی نجی زندگی بھی زیر بحث رہی۔ شو میں داخل ہونے سے کچھ عرصہ قبل انہوں نے ریپر بادشاہ کے ساتھ اپنی طلاق کا اعلان کیا تھا۔ دونوں نے اگست 2026 میں باہمی رضامندی سے علیحدگی کی اطلاع شیئر کی تھی۔

ہندوستھان سماچار

---------------

ہندوستان سماچار / عبدالواحد