نئی دہلی، 30 ستمبر (ہ س)۔ کرن جوہر کا مقبول سلیبریٹی چیٹ شو ’کافی ود کرن‘ اب اپنے اختتامی مرحلے میں پہنچ گیا ہے۔ کرن جوہر نے اعلان کیا ہے کہ شو کا نواں سیزن اس کا آخری سیزن ہوگا۔ تقریباً 22 برس تک بالی ووڈ ستاروں کی گفتگو، انکشافات اور تنازعات کو ناظرین تک پہنچانے والا یہ شو 14 اکتوبر سے جیو ہاٹ اسٹار پر نشر ہوگا۔
شو کے نئے پرومو میں کرن جوہر نے اس کے طویل سفر کو یاد کرتے ہوئے کہا کہ یہ سفر غیر متوقع، بے باک اور کئی بار افراتفری سے بھرپور رہا، لیکن ہمیشہ خبروں اور بحث کا موضوع بنا رہا۔
پرومو میں کرن جوہر نے شو سے وابستہ تنازعات اور برسوں کے تجربات پر بھی بات کی۔ انہوں نے مزاحیہ انداز میں کہا کہ انہوں نے ملک کی کئی بڑی شخصیات کے کیریئر تقریباً ختم کر دیے تھے اور آج بھی انہیں ’اقرباپروری‘(نیپوٹزم) کے لفظ کا طعنہ سننا پڑتا ہے۔ انہوں نے یہ بھی کہا کہ ’قیاس آرائیاں‘ اس شو کے سفر کا ایک اہم حصہ رہی ہیں۔
دراصل ’کافی ود کرن‘ میں فلمی ستاروں سے پوچھے گئے سوالات اور ان کے بے باک جوابات اکثر سرخیوں میں رہے ہیں۔ کئی مواقع پر شو کے بیانات اور انکشافات طویل عرصے تک بحث کا موضوع بنے۔’کافی ود کرن‘ کا آغاز 19 نومبر 2004 کو ہوا تھا اور 2026 تک یہ شو 22 سال کا سفر مکمل کر چکا ہے۔ ان برسوں کے دوران شو نے بالی ووڈ کی متعدد معروف شخصیات کو ایک پلیٹ فارم پر لایا اور ان کی نجی زندگی، کیریئر اور فلمی سفر سے جڑے کئی پہلوؤں کو ناظرین کے سامنے پیش کیا۔
اب نویں اور آخری سیزن کے ساتھ کرن جوہر اس سفر کو الوداع کہنے جا رہے ہیں۔ پرومو میں انہوں نے اسے ایک جذباتی لمحہ قرار دیا ہے اور آخری بار اپنے معروف کافی مگ کے ساتھ ناظرین سے روبرو ہونے کی تیاری کرتے دکھائی دے رہے ہیں۔
ہندوستھان سماچار
ہندوستان سماچار / Mohammad Khan
