نئی دہلی، 30 ستمبر (ہ س)۔ پلاسٹک کے کچرے اور پرانی پی ای ٹی بوتلوں کو ری سائیکل کرکے اعلیٰ معیار کے پالئیسٹر اسٹیپل فائبر (آر پی ایس ایف) تیار کرنے والی کمپنی یونیٹیک فائبرز لمیٹڈ کے حصص نے آج اسٹاک مارکیٹ میں مضبوط شروعات کی۔ آئی پی او کے تحت کمپنی کے حصص 88 روپے کی قیمت پر جاری کیے گئے تھے۔ آج بی ایس ای کے ایس ایم ای پلیٹ فارم پر اس کی لسٹنگ 2.27 فیصد پریمیم کے ساتھ 90 روپے کی سطح پر ہوئی۔

مضبوط لسٹنگ کے بعد خریداروں کی جانب سے خریداری میں تیزی آگئی، جس کے باعث حصص کی قیمت میں بھی اضافہ ہوا۔ مسلسل خریداری کے سہارے کمپنی کے حصص بڑھ کر 93.60 روپے کی انٹرا ڈے بلند ترین سطح تک پہنچ گئے۔ تاہم اس کے بعد کچھ منافع وصولی بھی دیکھی گئی۔ دوپہر 12:30 بجے کمپنی کے حصص 92.25 روپے کی سطح پر کاروبار کر رہے تھے۔ اس طرح اب تک کے کاروبار میں کمپنی کے آئی پی او سرمایہ کار فی حصص 4.25 روپے یعنی 4.83 فیصد کے منافع میں ہیں۔

کاروبار کے دوران یونیٹیک فائبرز کے حصص آج سرخ نشان میں 86.03 روپے کی نچلی سطح تک بھی پہنچے۔ دوپہر 12:30 بجے تک بی ایس ای پر کمپنی کے 12,25,600 حصص میں کاروبار ہو چکا تھا اور کاروبار کی مجموعی مالیت 11.30 کروڑ روپے رہی۔ اس وقت حصص کی والیوم ویٹڈ ایوریج پرائس (وی ڈبلیو اے پی) 90.06 روپے کی سطح پر تھی۔

اس کمپنی کا تقریباً 34 کروڑ روپے کا آئی پی او 23 سے 25 ستمبر کے درمیان سبسکرپشن کے لیے کھولا گیا تھا۔ اس آئی پی او کو سرمایہ کاروں کی جانب سے ملا جلا ردِعمل ملا، جس کے باعث یہ مجموعی طور پر 3.16 گنا سبسکرائب ہوا۔ ان میں کوالیفائیڈ انسٹی ٹیوشنل بائرز (کیو آئی بی) کے لیے مختص حصہ 2.94 گنا سبسکرائب ہوا۔ اسی طرح نان انسٹی ٹیوشنل انویسٹرز (این آئی آئی) کے لیے مختص حصے میں 4.88 گنا سبسکرپشن حاصل ہوا۔ اس کے علاوہ ریٹیل سرمایہ کاروں کے لیے مختص حصہ 2.72 گنا سبسکرائب ہوا۔

اس آئی پی او کے تحت 10 روپے فیس ویلیو والے کل 39,16,800 حصص جاری کیے گئے ہیں۔ ان میں 37,16,800 نئے حصص جاری کیے گئے ہیں، جن کی ایشو پرائس کے حساب سے مالیت تقریباً 33 کروڑ روپے ہے۔ اس کے علاوہ 2 لاکھ حصص مارکیٹ میکر کے لیے محفوظ رکھے گئے ہیں۔ کمپنی کا یہ ایشو مکمل طور پر فریش کیپیٹل ایشو تھا اور اس کے تحت آفر فار سیل (او ایف ایس) کے ذریعے کوئی حصص فروخت نہیں کیے گئے ہیں۔

یونیٹیک فائبرز لمیٹڈ کی مالی صورتحال کی بات کریں تو کیپٹل مارکیٹ ریگولیٹر سیبی (ایس ای بی آئی) کے پاس جمع کرائے گئے ریڈ ہیرنگ پراسپیکٹس (آر ایچ پی) میں کیے گئے دعوے کے مطابق کمپنی کی مالی صحت میں اتار چڑھاؤ رہا ہے۔ مالی سال 2023تا2024 میں کمپنی کو 7.42 کروڑ روپے کا خالص منافع ہوا تھا، جو اگلے مالی سال 2024تا2025 میں بڑھ کر 8.22 کروڑ روپے ہوگیا۔ وہیں گزشتہ مالی سال 2025تا2026 میں کمپنی کو 7.60 کروڑ روپے کا خالص منافع ہوا۔

ہندوستھان سماچار

---------------

ہندوستان سماچار / عبدالسلام صدیقی