بجنور، 29 ستمبر (ہ س)۔ اتر پردیش کے بجنور ضلع کی ناگینہ پولیس نے بچوں کی اسمگلنگ کے معاملے میں چھ ملزموں کو گرفتار کیا ہے۔ پولیس نے 14 ماہ کے بچے کو ان کے قبضے سے بحفاظت بازیاب کرایا اور اسے اہل خانہ کے حوالے کر دیا۔

سپرنٹنڈنٹ پولیس کے کے وشنوئی نے بتایا کہ گاؤں بھوراپور کے رہائشی تاج الدین نے 28 ستمبر کو شکایت درج کرائی تھی کہ اس کی بہن شبنیم نے اپنے بچے کو شفیقن اور فرید کو پرورش کے لیے دیا تھا، جسے اس نے دوسروں کے ساتھ مل کر بیچ دیا۔ پولیس نے اس معاملے میں مقدمہ درج کر کے تفتیش شروع کر دی۔

پوچھ گچھ کے دوران جتیندر کمار عرف وکی، کپل عرف راجویر، فرمان، شفیقن، شبانہ اور ہریدوار کے رہائشی سلوچنا کو گرفتار کیا گیا۔ پوچھ گچھ سے پتہ چلا کہ بچے کو پہلے دو لاکھ روپے میں لیا گیا اور بعد میں دوسرے جوڑے کو پانچ لاکھ روپے میں دیا گیا۔ پولیس کے مطابق پیسے کا لین دین اور بچے کی منتقلی اسپتالوں کے ذریعے کی گئی تھی۔

پولیس نے اس معاملے میں مزید کارروائی شروع کر دی ہے۔ گرفتار ملزموں میں جتیندر اور کپل کی پچھلی مجرمانہ تاریخ بھی سامنے آئی ہے۔

ہندوستھان سماچار

--------

ہندوستان سماچار / عبدالسلام صدیقی