بھارتی تاریخ میں 29 ستمبر کا دن سال 2016 کی اس فوجی کارروائی کے حوالے سے یاد کیا جاتا ہے، جب بھارت نے لائن آف کنٹرول (ایل او سی) پار کرکے دہشت گردوں کے ٹھکانوں کو نشانہ بنانے کا اعلان کیا تھا۔

اس واقعے کا پس منظر 18 ستمبر 2016 کو جموں و کشمیر کے اُڑی سیکٹر میں ہونے والے دہشت گرد حملے سے جڑا تھا۔ لائن آف کنٹرول کے قریب بھارتی فوج کے مقامی ہیڈکوارٹر پر ہونے والے اس حملے میں 18 فوجی شہید ہوئے تھے۔ اسے بھارتی فوج پر ہونے والے سنگین دہشت گرد حملوں میں سے ایک قرار دیا گیا۔ حملے کے بعد بھارت نے اس کے لیے سرحد پار سرگرم دہشت گردوں کو ذمہ دار ٹھہرایا تھا۔

اس کے بعد 29 ستمبر کو بھارتی فوج نے لائن آف کنٹرول کے پار دہشت گردوں کے ٹھکانوں کے خلاف کارروائی کیے جانے کی اطلاع دی۔ بھارتی حکام کے مطابق اس کارروائی کا مقصد سرحد پار موجود دہشت گردوں کے ٹھکانوں کو نشانہ بنانا تھا۔ بھارت نے اسے کامیاب کارروائی قرار دیا، جبکہ پاکستان نے بھارتی فوج کے لائن آف کنٹرول پار کرنے اور ایسی کسی سرجیکل اسٹرائیک کی تردید کی۔

اہم واقعات

1650 — انگلینڈ میں پہلے میرج بیورو کا آغاز ہوا۔

1836 — مدراس چیمبر آف کامرس اینڈ انڈسٹری قائم ہوا۔

1915 — ٹیلی فون کے ذریعے پہلا بین براعظمی پیغام بھیجا گیا۔

1923 — بالفور اعلامیہ (1917) کے تحت برطانیہ کی جانب سے فلسطین میں یہودی بستی کے قیام کی رضامندی کو بالآخر لیگ آف نیشنز کی کونسل نے منظوری دی۔

1927 — امریکہ اور میکسیکو کے درمیان ٹیلی فون سروس کا آغاز ہوا۔

1959 — آرتی ساہا نے تیراکی کے ذریعے انگلش چینل عبور کیا۔

1977 — بھارت اور بنگلہ دیش نے دریائے گنگا کے پانی کی تقسیم کے حوالے سے ایک معاہدے پر دستخط کیے۔

2006 — دنیا کی پہلی خاتون خلائی سیاح، ایرانی نژاد امریکی شہری انوشہ انصاری، بحفاظت زمین پر واپس آئیں۔

2016 — بھارت نے پاکستان کے خلاف سرجیکل اسٹرائیک کرکے سرحد کے آس پاس دراندازی کی تیاری میں موجود دہشت گردوں کے ٹھکانوں کو نشانہ بنانے کا دعویٰ کیا۔

پیدائش

1725 — رابرٹ کلائیو، ایسٹ انڈیا کمپنی کی جانب سے بھارت میں مقرر کیے جانے والے پہلے گورنر۔

1928 — برجیش مشرا، بھارت کے پہلے قومی سلامتی مشیر۔

1932 — محمود علی، ہندوستان کے معروف مزاحیہ اداکار۔

1943 — محمد خاتمی، ایران کے پانچویں صدر۔

1961 — جولیا گیلارڈ، آسٹریلیا کی پہلی خاتون وزیرِاعظم۔

وفات

1913 — روڈولف ڈیزل، ڈیزل انجن کے موجد۔

1942 — ماتنگنی ہزارا، معروف خاتون مجاہدِ آزادی۔

1970 — جمال عبدالناصر، مصر کے صدر۔

2017 — ٹام آلٹر، ہندوستانی سنیما کے معروف اداکار۔

2020 — کے. سی. شیو شنکر، بھارت کے معروف مصور اور کارٹونسٹ۔

اہم دن

عالمی یوم قلب

ہندوستھان سماچار

---------------

ہندوستان سماچار / عبدالواحد