نئی دہلی، 25 ستمبر (ہ س)۔بھارتیہ جنتا پارٹی کے قومی صدر نتن نوین نے پنڈت دین دیال اپادھیائے کی جینتی پر انہیں خراج عقیدت پیش کرتے ہوئے کہا کہ بھارت ماتا کے عظیم سپوت اور ’ایکاتم مانو درشن‘ کے بانی دین دیال اپادھیائے کا ’انتودیہ‘ کا نظریہ آج بھی جامع ترقی اور عوامی فلاح و بہبود کی سمت رہنمائی کرتا ہے۔نتن نوین نے جمعہ کو ’ایکس‘ پر ایک پوسٹ میں کہا کہ دین دیال اپادھیائے نے ہندوستانی فکر اور فلسفے کی بنیاد پر ترقی کا ایسا تصور پیش کیا، جس میں معاشرے کے آخری فرد تک ترقی کے ثمرات پہنچانا بنیادی مقصد تھا۔ انہوں نے کہا کہ دین دیال اپادھیائے کی زندگی ملک کی خدمت کے لیے وقف ہر کارکن کے لیے ہمیشہ تحریک کا ذریعہ بنی رہے گی۔انہوں نے کہا کہ دین دیال اپادھیائے کے نظریات میں معاشرے کے آخری فرد کی فلاح و بہبود اور ملک کی مجموعی ترقی کے حوالے سے ایک واضح تصور نظر آتا ہے۔دریں اثنا، بی جے پی ہیڈکوارٹر میں منعقدہ ایک پروگرام کے دوران پارٹی رہنماؤں اور کارکنوں نے پنڈت دین دیال اپادھیائے کی تصویر پر پھول چڑھا کر انہیں خراج عقیدت پیش کیا۔ خراج عقیدت پیش کرنے والوں میں مرکزی وزیر مملکت اور دہلی بی جے پی کے صدر ہرش ملہوترا، رکن پارلیمنٹ منوج تیواری اور بانسوری سوراج نمایاں طور پر شامل تھے۔ہندوستھان سماچار

ہندوستان سماچار / Mohammad Khan