جموں, 19 ستمبر (ہ س): جموں کو الگ ریاست کا درجہ دینے کے مطالبے کو لے کر مشن جموں اسٹیٹ کی جانب سے پریس کلب جموں کے باہر احتجاجی مظاہرہ کیا گیا۔ مظاہرین نے جموں کے ساتھ مبینہ امتیازی سلوک کے خلاف نعرے بازی کرتے ہوئے حکومت سے جموں کو الگ ریاست کا درجہ دینے کا مطالبہ کیا۔اس موقع پر مشن جموں اسٹیٹ کے صدر جیش گپتا نے کہا کہ جموں کے ساتھ ہونے والے امتیازی سلوک کو مزید برداشت نہیں کیا جائے گا۔ انہوں نے کہا کہ جموں کے عوام کے مطالبات اور حقوق کو مدنظر رکھتے ہوئے جموں کو الگ ریاست کا درجہ دیا جانا چاہیے۔ انہوں نے حکومت سے اپیل کی کہ جموں کو الگ ریاست کا درجہ دینے کے مطالبے پر سنجیدگی سے غور کیا جائے۔

ہندوستھان سماچار

---------------

ہندوستان سماچار / محمد اصغر