نئی دہلی، 17 ستمبر( ہ س)۔ اڈیشہ اسٹیٹ سینٹنس ریویو بورڈ نے آسٹریلوی مشنری گراہم اسٹینز اور ان کے دو نابالغ بیٹوں کے قتل کے جرم میں عمر قید کی سزا کاٹ رہے دارا سنگھ کی سزا میں معافی کی درخواست کو مسترد کر دیا ہے۔ اڈیشہ کی حکومت نے آج سپریم کورٹ کو یہ اطلاع دی۔ اڈیشہ حکومت کے نوٹس کے بعد جسٹس منوج مشرا نے سماعت ملتوی کر دی اور دارا سنگھ سے اپنی عرضی میں نئی اصلاحات دائر کرنے کو کہا۔

جمعرات کو سماعت کے دوران اڈیشہ حکومت کے وکیل نے کہا کہ 31 اگست کو اڈیشہ اسٹیٹ سینٹنس ریویو بورڈ نے دارا سنگھ کی رحم کی درخواست کو مسترد کرنے کا فیصلہ کیا۔ اس سے قبل کی سماعت کے دوران سپریم کورٹ نے اڈیشہ حکومت کو دارا سنگھ کی رحم کی درخواست پر فیصلہ کرنے کی ہدایت کی تھی۔

دارا سنگھ کی جانب سے کہا گیا ہے کہ دارا سنگھ 24 سال سے زیادہ عرصے سے جیل میں ہیں۔ اپنی عرضی میں دارا سنگھ نے سابق وزیر اعظم راجیو گاندھی کے قاتلوں کی رہائی کا حوالہ دیا ہے۔ عرضی میں دارا سنگھ نے کہا ہے کہ وہ دو دہائیاں پہلے کیے گئے جرم کا اعتراف کرتا ہے اور اسے اس پر افسوس ہے۔ دارا سنگھ نے کہا ہے کہ ان کی گراہم اسٹینز سے کوئی ذاتی دشمنی نہیں تھی۔ ایسی صورت میں اس کی سزا معاف کرنے پر غور کریں۔

ہندوستھان سماچار

---------------

ہندوستان سماچار / عبدالسلام صدیقی