دیہی ترقیات محکمہ کے پروگرام سے وزیر شرون کمار کا خطابپٹنہ، 16 ستمبر(ہ س)۔دیہی ترقیات اور اطلاعات اوررابطہ عامہ کے وزیر شرون کمار نے وی بی جی- رام جی پروگرام کے بارے میں کہا کہ اس سے ریاست کی اقتصادی ترقی کو رفتارملے گی۔ اس کی مدد سے دیہی علاقوں میں تعمیری سر گرمیوں سے معاشی ترقی کی نئی راہیں ہموار ہوں گی اور روزگار کے نئے مواقع بھی بڑھیں گے۔ انہوں نے متعلقہ افسران پر زور دیا کہ وہ مرحلہ وار منصوبہ بندی کریں اور مقررہ مدت کے اندر اس پر عمل درآمد کو یقینی بنائیں۔ منصوبے کو مقررہ مدت میں مکمل نہ کرنے پر جرمانے کا بھی انتظام ہے۔ نئی دفعات کے تحت غیر ہنر مند کارکنوں کو اب 125 دن کا روزگار فراہم کیا جائے گا۔محکمہ کے وزیر شرون کمار پرانے سکریٹریٹ احاطے میں واقع کنونشن ہال میں VB-G رام جی منصوبہ پر ایک روزہ اورینٹیشن پروگرام سے خطاب کر رہے تھے۔ اس پروگرام میں تمام ڈپٹی ڈیولپمنٹ کمشنر، نیشنل پلاننگ پروگراموں کے ڈائرکٹر اور وی بی جی رام جی کے ضلعی پروگرام آفیسر کے علاوہ دیگر موجود تھے۔ ان تمام افسران کو یکم جولائی سے نئے نظام کے ساتھ شروع ہوئی اس روزگار پیدا کرنے کی اسکیم کے نفاذ سے متعلق تکنیکی معلومات فراہم کی گئیں۔انہوں نے اس اسکیم کے تحت موسم پر مبنی کاموں پر خاص زور دیا، خاص طور پر دیہی علاقوں میں موسم کے مطابق کام ، پارکوں کی تعمیر ، کسانوں کے لیے ، میلوں اور مارکیٹنگ مراکز کی تعمیر، کچی دیہی سڑکیں، پل، نوجوانوں کے لیے کھیل کے میدان، آنگن باڑی مراکز، اور مویشی، مرغی، بکری اور خنزیر کے شیڈ کی تعمیرکرانے پر خصوصی زور دیا گیا۔ وزیر نے کہا کہ جیویکا دیدی کی مصنوعات کو قومی شناخت دلانے کے لیے پنچایت، بلاک، ضلع اور قومی سطح پر میلوں اور بازاروں کو نامزد کیا جائے گا۔ انہوں نے دیہی غریب بچوں کے لیے لائبریری کی عمارتوں کی تعمیر پر زور دیا۔ انہوں نے بائیو گیس کنکشن میں کمی کو دور کرنے اور نجی شراکت کی حوصلہ افزائی کرتے ہوئے کام کو تیز کرنے کی بھی ہدایت کی۔وزیر اعظم رہائش منصوبہ (دیہی) کے بارے میں، وزیر نے ہدایت دی کہ اس اسکیم کے تحت رہائش کے لیے اہل 11ہزار بے زمین استفادہ کنندگان کے لیے 15-30 دنوں کے اندر زمین کو یقینی بنایا جائے۔ اگر ایسے مستحقین کو سرکاری زمین دستیاب نہیں ہے تو انہیں سابق وزیر اعلیٰ نتیش کمارکے ذریعہ شروع کی گئی اہم اسکیم کے تحت زمین خریدنے کے لیے ایک لاکھ روپے کی مالی مدد فراہم کی جائے گی، تاکہ غریبوں کے لیے مکان کا خواب پورا ہو سکے۔ اس پروگرام میں محکمہ دیہی ترقیات کے ایڈیشنل چیف سکریٹری ایچ آر سری نواس جی وی بی رام جی کے کمشنر انجنی کمار، جیویکا کی ایڈیشنل چیف ایگزیکٹیو آفیسر اننیا سنگھ، جل-جیون-ہریالی کے ڈائرکٹر سمیت کمار، اسپیشل سکریٹری بھانو پرکاش، جوائنٹ سکریٹری راکیش گپتا، جوائنٹ سکریٹری روی کمار سنگھ وغیرہ موجودتھے۔

ہندوستھان سماچار

ہندوستان سماچار / Mohammad Afzal Hassan