پٹنہ16ستمبر(ہ س)۔’ہر گھر سولر، ہر گھر اُجالا‘ کے قومی عزم کو پورا کرنے اور شمسی توانائی کو سب کے لیے قابل رسائی بنانے کے لیے، آج پٹنہ میں ایک اہم تقریب کا انعقاد کیا گیا۔ اس موقع پر اپنے گھروں میں سولر پینل نصب کرنے والوں کو ’’پی ایم سوریہ گھر سولر اعزاز‘‘ سے نوازا گیا۔ اس پروگرام کا بنیادی مقصد سبز توانائی کو فروغ دینا اور گھروں میں سولر پینل لگانے کے بارے میں بیداری پھیلانا ہے۔ ہوٹل آشیانہ پرائیڈ میں منعقد اس تقریب میں ریاستی حکومت کے کوآپریٹو وزیر شری رام کرپال یادو نے بطور مہمان خصوصی شرکت کی اور اس کے ساتھ شمسی توانائی کے شعبے میں کارپوریٹ ماہرین نے بھی شرکت کی۔ ایلون انرجی پرائیویٹ لمیٹڈ کے منیجنگ ڈائریکٹر وجے بھاسکر، جی آر ڈی اے انفرا پرائیویٹ لمیٹڈ کے منیجنگ ڈائریکٹر گوتم کمار اور ایلون انرجی پرائیویٹ لمیٹڈ کے تکنیکی سربراہ انارویر بھدر موجودتھے۔ اس تقریب میں مرکزی حکومت کے اہم منصوبہ پی ایم سوریہ گھر اسکیم کے وژن کو آگے بڑھانے کی بات کی گئی۔ ایلون انرجی اور جی آر ڈی اے انفرا جیسی کمپنیوں کے اعلیٰ عہدیداروں کی موجودگی میں اس تقریب میں شمسی توانائی کے تکنیکی پہلوؤں، اس کی تنصیب اور اس کے طویل مدتی فوائد پر بھی توجہ مرکوز کی گئی۔جس سے عوام کو شمسی توانائی کو اپنانے کی ترغیب ملے گی، جس سے بجلی کے بلوں میں کمی آئے گی اور ماحولیاتی تحفظ کو فروغ ملے گا۔

ہندوستھان سماچار

ہندوستان سماچار / Mohammad Afzal Hassan