نئی دہلی، 16 ستمبر (ہ س)۔ آنے والے تہواروں کے موسم میں ریلوے مسافروں کی سہولت اور ٹرینوں و اسٹیشنوں پر اضافی بھیڑ کے پیش نظر شمالی ریلوے پانچ جوڑی اہم فیسٹیول اسپیشل ٹرینیں چلائے گا۔ اس کے علاوہ نئی دہلی-دانا پور-نئی دہلی سپرفاسٹ اسپیشل ایکسپریس کے آپریشن کی مدت اور پھیروں میں بھی توسیع کی گئی ہے۔

شمالی ریلوے کے چیف پبلک ریلیشنز آفیسر (سی پی آر او) ہمانشو شیکھر اپادھیائے کے مطابق، تہواروں کے دوران بڑھتی مانگ کے پیش نظر نئی دہلی-ہاوڑہ، آنند وہار ٹرمینل-بھاگلپور، یوگ نگری رشی کیش-کولکاتا، امرتسر-کولکاتا اور امرتسر-برونی کے درمیان خصوصی ٹرین خدمات چلائی جائیں گی۔

ٹرین نمبر 04052/04051 نئی دہلی-ہاوڑہ جنکشن-نئی دہلی ریزروڈ ہفتہ وار اسپیشل ٹرین چلائی جائے گی۔ ٹرین نمبر 04052 نئی دہلی سے 2 اکتوبر سے 27 نومبر 2026 تک ہر جمعہ شام 18:15 بجے روانہ ہو کر اگلے دن رات 23:40 بجے ہاوڑہ پہنچے گی۔ واپسی میں ٹرین نمبر 04051 ہاوڑہ سے 4 اکتوبر سے 29 نومبر تک ہر اتوار رات 01:40 بجے روانہ ہو کر اگلے دن صبح 08:20 بجے نئی دہلی پہنچے گی۔ دونوں سمتوں میں اس کے 9-9 پھیرے ہوں گے۔ یہ ٹرین غازی آباد، علی گڑھ جنکشن، ٹنڈلہ، گووندپوری، صوبیدار گنج، مرزا پور، پنڈت دین دیال اپادھیائے جنکشن، بکسر، آرا، پٹنہ جنکشن، بختیارپور، کیول، جھاجھا، جسی ڈیہہ، مدھوپور، چترنجن، آسنسول، درگاپور، بردوان اور بنڈیل اسٹیشنوں پر رکے گی۔

ٹرین نمبر 04062/04061 آنند وہار ٹرمینل-بھاگلپور-آنند وہار ٹرمینل ریزروڈ یومیہ اسپیشل ٹرین ہوگی۔ ٹرین نمبر 04062 آنند وہار ٹرمینل سے 10 اکتوبر سے 25 نومبر 2026 تک روزانہ دوپہر 12:00 بجے روانہ ہو کر اگلے دن دوپہر 13:30 بجے بھاگلپور پہنچے گی۔ واپسی سمت میں ٹرین نمبر 04061 بھاگلپور سے 11 اکتوبر سے 26 نومبر 2026 تک روزانہ شام 16:30 بجے روانہ ہو کر اگلے دن رات 20:00 بجے آنند وہار ٹرمینل پہنچے گی۔ دونوں سمتوں میں یہ ٹرین 47-47 پھیرے لگائے گی۔ راستے میں اس کے اسٹاپ علی گڑھ، ٹنڈلہ، گووندپوری، صوبیدار گنج، مرزا پور، پنڈت دین دیال اپادھیائے جنکشن، بھبھوا روڈ، ساسارام، ڈہری آن سون، انوگرہ نارائن روڈ، گیا جنکشن، تلّیا، نوادہ، واریسلی گنج، شیخ پورہ، کیول، ابھے پور، جمال پور اور سلطان گنج اسٹیشنوں پر ہوں گے۔

ٹرین نمبر 04312/04311 یوگ نگری رشی کیش-کولکاتا-یوگ نگری رشی کیش ریزروڈ ہفتہ وار اسپیشل ٹرین ہوگی۔ ٹرین نمبر 04312 یوگ نگری رشی کیش سے 16 اکتوبر سے 20 نومبر 2026 تک ہر جمعہ رات 22:20 بجے روانہ ہو کر اتوار صبح 08:00 بجے کولکاتا پہنچے گی۔ واپسی میں ٹرین نمبر 04311 کولکاتا سے 18 اکتوبر سے 22 نومبر 2026 تک ہر اتوار دوپہر 13:55 بجے روانہ ہو کر پیر رات 23:30 بجے یوگ نگری رشی کیش پہنچے گی۔ دونوں سمتوں میں اس کے 6-6 پھیرے ہوں گے۔ یہ ٹرین ہریدوار، مرادآباد، بریلی، شاہجہاں پور، عالم نگر، ٹرانسپورٹ نگر، اترتیا، رائے بریلی، ماں بیلہ دیوی دھام پرتاپ گڑھ، وارانسی، پنڈت دین دیال اپادھیائے جنکشن، بھبھوا روڈ، ساسارام، ڈہری آن سون، انوگرہ نارائن روڈ، گیا، کوڈرما، ہزاری باغ روڈ، پارس ناتھ، نیتاجی سبھاش چندر بوس جنکشن گو مو، دھنباد، آسنسول، درگاپور، بردوان، بنڈیل اور نیاہٹی جنکشن پر رکے گی۔

ٹرین نمبر 04624/04623 امرتسر-کولکاتا-امرتسر ریزروڈ ہفتہ وار اسپیشل ٹرین چلائی جائے گی۔ ٹرین نمبر 04624 امرتسر سے 7 اکتوبر سے 25 نومبر 2026 تک ہر بدھ رات 20:10 بجے روانہ ہو کر جمعہ دوپہر 15:00 بجے کولکاتا پہنچے گی۔ واپسی میں ٹرین نمبر 04623 کولکاتا سے 10 اکتوبر سے 28 نومبر 2026 تک ہر ہفتہ صبح 04:45 بجے روانہ ہو کر اتوار رات 21:05 بجے امرتسر پہنچے گی۔ دونوں سمتوں میں اس کے 8-8 پھیرے چلائے جائیں گے۔ یہ ٹرین بیاس، جالندھر سٹی، پھگواڑہ، ڈھنڈاری کلاں، امبالہ کینٹ، یمنا نگر جگادھری، سہارنپور، مرادآباد، بریلی، شاہجہاں پور، سیتاپور، گونڈہ، گورکھپور، کپتان گنج، بگہا، نرکٹیا گنج، بیتیا، سگولی، باپو دھام موتیہاری، مظفرپور، سمستی پور، برونی، کیول، جھاجھا، جسی ڈیہہ، مدھوپور، چترنجن، آسنسول، درگاپور اور بردوان اسٹیشنوں پر رکے گی۔

ٹرین نمبر 04668/04667 امرتسر جنکشن-برونی جنکشن-امرتسر جنکشن ریزروڈ ہفتہ وار اسپیشل ٹرین ہوگی۔ ٹرین نمبر 04668 امرتسر سے 4 اکتوبر سے 29 نومبر 2026 تک ہر اتوار رات 20:10 بجے روانہ ہو کر منگل صبح 02:10 بجے برونی پہنچے گی۔ واپسی میں ٹرین نمبر 04667 برونی سے 6 اکتوبر سے 1 دسمبر 2026 تک ہر منگل صبح 05:05 بجے روانہ ہو کر بدھ دوپہر 13:50 بجے امرتسر پہنچے گی۔ دونوں سمتوں میں یہ ٹرین 9-9 پھیرے لگائے گی۔ راستے میں یہ بیاس، جالندھر سٹی، پھگواڑہ، ڈھنڈاری کلاں، امبالہ کینٹ، یمنا نگر جگادھری، سہارنپور، مرادآباد، بریلی، شاہجہاں پور، ہردوئی، عالم نگر، ٹرانسپورٹ نگر، رائے بریلی، ماں بیلہ دیوی دھام پرتاپ گڑھ، وارانسی، اونڑیہار، غازی پور سٹی، بلیا، چھپرا، سونپور، حاجی پور اور شاہ پور پٹوری اسٹیشنوں پر رکے گی۔

اس کے علاوہ شمالی ریلوے نے ٹرین نمبر 04090/04089 نئی دہلی-دانا پور-نئی دہلی ریزروڈ سپرفاسٹ اسپیشل ایکسپریس کے پھیروں میں توسیع کرنے کا فیصلہ کیا ہے۔ ٹرین نمبر 04090 نئی دہلی سے ہر جمعہ 2 اکتوبر سے 20 نومبر 2026 تک کل 8 پھیرے لگائے گی۔ وہیں ٹرین نمبر 04089 دانا پور سے ہر ہفتہ 3 اکتوبر سے 21 نومبر 2026 تک کل 8 پھیرے چلائے گی۔

ہندوستھان سماچار

---------------

ہندوستان سماچار / عبدالواحد