کانپور، 16 ستمبر (ہ س)۔ کانپور میں گنگا ندی میں پانی کی سطح میں ایک بار پھر کمی درج کی گئی ہے۔ بدھ کو کانپور بیراج کے اپ اسٹریم میں پانی کی سطح 114.30 میٹر رہی، جو انتباہی سطح سے 30 سینٹی میٹر بلند اور خطرے کے نشان سے 70 سینٹی میٹر نیچے ہے۔ منگل کے مقابلے میں پانی کی سطح میں 37 سینٹی میٹر کی کمی درج کی گئی۔

بیراج کے ڈاؤن اسٹریم میں پانی کی سطح 113.83 میٹر درج کی گئی، جبکہ پانی کا بہاؤ کم ہو کر 3,70,392 کیوسک رہ گیا۔ منگل کو ڈاؤن اسٹریم میں پانی کی سطح 114.03 میٹر اور پانی کا اخراج 4,12,548 کیوسک تھا۔ اس طرح ایک دن میں ڈاون اسٹریم پانی کی سطح میں 20 سینٹی میٹر اور پانی کے بہاؤ میں 42,156 کیوسک کی کمی ہوئی ہے۔

ضلع مجسٹریٹ جتیندر پرتاپ سنگھ نے کہا کہ گنگا کی سطح آب کی مسلسل نگرانی کی جا رہی ہے۔ سیلاب سے متاثرہ اور حساس علاقوں میں انتظامیہ کو مستعد رہنے کی ہدایت دی گئی ہے۔ ضرورت پڑنے پر متاثرہ لوگوں کو فوری مدد فراہم کرنے کے لیے تمام ضروری انتظامات کیے گئے ہیں۔

شکلا گنج میں بھی دریائے گنگا میں پانی کی سطح کم ہو کر 112.76 میٹر رہ گئی ہے۔ یہاں انتباہی سطح 113 میٹر اور خطرے کا نشان 114 میٹر ہے۔ منگل کو شکلا گنج میں پانی کی سطح 113.05 میٹر ریکارڈ کی گئی تھی۔ ہری دوار بیراج سے 71,666 کیوسک اور نرورہ بیراج سے 62,398 کیوسک پانی چھوڑے جانے کا اعداد و شمار درج کیا گیا ہے۔

ہندوستھان سماچار

ہندوستان سماچار / محمد شہزاد