نئی دہلی، 15 ستمبر(ہ س)۔ بھارتیہ جنتا پارٹی (بی جے پی) نے بھرتی گھوٹالوں پر کانگریس اور راہل گاندھی پر شدید حملہ کیا ہے۔ بی جے پی نے الزام لگایا کہ کانگریس کے نام نہاد 'محبت کی دوکان' میں بدعنوانی چل رہی ہے اور راہل گاندھی پارٹی رہنماوں سے متعلق معاملات پر خاموش ہیں۔منگل کو بی جے پی ہیڈ کوارٹر میں نامہ نگاروں سے بات کرتے ہوئے ایم پی بنسوری سوراج نے کہا کہ راہل گاندھی جب ملک کے نوجوانوں، طلباءاور بے روزگاری کے مسئلے پر بات کرتے ہیں تو وہ ان کی آواز کیوں نہیں اٹھاتے جب کہ ان کی ہی پارٹی کے رہنماوں اور کارکنوں پر نوجوانوں کے مستقبل سے کھیلنے کے سنگین الزامات ہیں۔انہوں نے اتراکھنڈ کے سابق وزیر اعلی ہریش راوت کے ذاتی معاون سے متعلق معاملہ کا حوالہ دیا اور کہا کہ بھرتی گھوٹالے کے سلسلے میں انفورسمنٹ ڈائریکٹوریٹ کی کارروائی کے دوران سابق اور موجودہ پی اے سے منسلک اثاثوں کی تحقیقات کی گئی تھی۔ سوراج نے دعوی کیا کہ بازیاب شدہ اثاثے آمدنی کے معلوم ذرائع سے کہیں زیادہ ہیں۔ انہوں نے اسے کانگریس حکومتوں کے بھرتی کے عمل پر ایک سنجیدہ سوال قرار دیا۔بی جے پی ایم پی نے بھرتی گھوٹالہ معاملہ میں چھتیس گڑھ کے سابق وزیر اعلی بھوپیش بگھیل کے سابق او ایس ڈی کی گرفتاری کا بھی حوالہ دیا۔ انہوں نے کہا کہ چھتیس گڑھ پبلک سروس کمیشن کے امتحان میں پیپر لیک سے متعلق اس معاملے نے بھرتی کے نظام پر سوالات اٹھائے ہیں۔بنسوری سوراج نے ہماچل پردیش میں آو¿ٹ سورس بھرتی پر مبینہ کمیشن کے معاملے کا بھی حوالہ دیا۔ انہوں نے سوال کیا کہ جب سیاسی سرپرستی اور بدعنوانی کے سنگین الزامات سامنے آئے تو راہل گاندھی خاموش کیوں تھے۔انہوں نے راہل گاندھی سے سوال کیا کہ جب وہ نوجوانوں کے مستقبل اور بے روزگاری کے بارے میں بات کرتے ہیں تو وہ بھرتی گھوٹالوں اور اپنی ہی پارٹی کے رہنماو¿ں کی مبینہ سیاسی سرپرستی کے الزامات کا جواب کیوں نہیں دیتے۔

ہندوستھان سماچار

---------------

ہندوستان سماچار / عبدالسلام صدیقی