نئی دہلی، 15 ستمبر(ہ س)۔ لوک سبھا میں قائد حزب اختلاف راہل گاندھی، کانگریس صدر ملیکارجن کھرگے اور کانگریس جنرل سکریٹری پرینکا گاندھی واڈرا نے بہار میں تباہ کن سیلاب کی وجہ سے جانی نقصان پر غم کا اظہار کیا۔ انہوں نے سوگوار خاندانوں سے تعزیت کا اظہار کیا اور حکومت سے راحت اور امدادی کارروائیوں میں تیزی لانے کی اپیل کی۔

لوک سبھا میں قائد حزب اختلاف راہل گاندھی نے سوشل میڈیا پلیٹ فارم ایکس پر پوسٹ کیا، بہار میں سیلاب کی وجہ سے جانی نقصان انتہائی المناک اور دل دہلا دینے والا ہے۔ انہوں نے ان خاندانوں سے گہری تعزیت کا اظہار کیا جنہوں نے تباہی میں اپنے پیاروں کو کھو دیا، انہوں نے مزید کہا کہ ان کی ہمدردی اس سانحے سے متاثر ہونے والے تمام لوگوں کے ساتھ ہے۔ انہوں نے کانگریس کارکنوں سے اپیل کی کہ وہ آگے آئیں اور متاثرہ لوگوں کی ہر ممکن مدد کریں۔

راہل گاندھی نے امید ظاہر کی کہ حکومت اور انتظامیہ پوری طاقت کے ساتھ راحت اور بچاو¿ کا کام انجام دیں گے اور اس بات کو یقینی بنائیں گے کہ مطلوبہ امداد جلد از جلد متاثرہ خاندانوں تک پہنچے۔

کانگریس کے قومی صدر ملیکارجن کھرگے نے بہار میں سیلاب کی وجہ سے ہونے والے جانی نقصان کو انتہائی تکلیف دہ قرار دیا۔ سوگوار خاندانوں سے تعزیت کا اظہار کرتے ہوئے انہوں نے کہا کہ 15 اضلاع کے تقریبا پچاس لاکھ لوگ سیلاب سے متاثر ہوئے ہیں اور ہزاروں دیہاتوں میں زندگی درہم برہم ہو گئی ہے۔

کھرگے نے کہا کہ بحران کی اس گھڑی میں حکومت کی ترجیح ہر متاثرہ خاندان کو راحت اور امداد فراہم کرنا ہونی چاہیے۔ انہوں نے حکومت اور انتظامیہ سے اپیل کی کہ وہ راحت، بچاو¿، طبی امداد اور بحالی کے کاموں میں کوئی کسر نہ چھوڑیں اور متاثرہ خاندانوں کو فوری مدد فراہم کریں۔

کانگریس صدر نے تمام پارٹی کارکنوں سے متاثرہ علاقوں تک پہنچنے اور لوگوں کو ہر ممکن مدد فراہم کرنے کی بھی اپیل کی۔ انہوں نے کہا کہ اس مشکل وقت میں پورا ملک بہار کے ساتھ کھڑا ہے۔

کانگریس کی جنرل سکریٹری پرینکا گاندھی واڈرا نے بہار میں تباہ کن سیلاب سے ہونے والی تباہی پر افسوس کا اظہار کیا۔ انہوں نے کہا کہ ریاست میں سیلاب سے لاکھوں لوگ متاثر ہوئے ہیں اور بڑی تعداد میں لوگ اپنی جان و مال سے ہاتھ دھو بیٹھے ہیں۔ انہوں نے سوگوار خاندانوں سے گہری تعزیت کا اظہار کیا اور مرحومین کی روحوں کی شانتی کے لیے دعا کی۔

پرینکا گاندھی نے حکومت پر زور دیا کہ وہ راحتاور بچاو¿ کی کارروائیوں میں تیزی لائے تاکہ متاثرہ لوگوں تک جلد از جلد مدد پہنچ سکے۔

ہندوستھان سماچار

---------------

ہندوستان سماچار / عبدالسلام صدیقی