نئی دہلی، 9 اگست:( ہ س )۔

عام آدمی پارٹی کے قومی کنوینر اروند کیجریوال نے عالمی یومِ قبائل کے موقع پر ملک بھر کے قبائلی سماج کو مبارکباد دیتے ہوئے کہا کہ آزاد ہندوستان میں سب سے زیادہ ناانصافی قبائلی سماج کے ساتھ ہوئی ہے۔ دیگر تمام جماعتوں نے قبائلی سماج کے پانی، جنگل اور زمین پر ڈاکا ڈالا اور انہیں ان سے چھین کر بڑی بڑی کمپنیوں کے حوالے کر دیا۔ صرف عام آدمی پارٹی ہی قبائلی سماج کے حقوق کے لیے لڑ رہی ہے۔ آج قبائلی رہنما چیتَر وساوا ایک جھوٹے مقدمے میں جیل میں ہیں، کیونکہ وہ قبائلی سماج کی آواز اٹھا رہے تھے۔ ہم سب ان کی جلد رہائی کے لیے دعا کرتے ہیں۔اروند کیجریوال نے ایک ویڈیو پیغام جاری کرکے قبائلی سماج کے لوگوں سے کہا کہ گزشتہ 75 برسوں میں قبائلی سماج کے ساتھ سب سے زیادہ ناانصافی ہوئی ہے۔ 75 برسوں میں ملک نے ترقی کی، باقی تمام سماج کے لوگوں نے ترقی کی، لیکن قبائلی سماج پیچھے رہ گیا۔ ایسا اس لیے ہوا کیونکہ قبائلی سماج کو جان بوجھ کر پیچھے رکھا گیا۔ ان کے پاس جتنے بھی وسائل تھے، ان پر ڈاکا ڈالا گیا۔ پانی، جنگل اور زمین قبائلی سماج کا پیدائشی حق ہے، لیکن انہیں سماج سے چھین کر بڑی بڑی کمپنیوں کے حوالے کر دیا گیا، کیونکہ دیگر جماعتوں کے رہنما چور اور بدعنوان تھے۔ اروند کیجریوال نے کہا کہ عام آدمی پارٹی آپ کے حقوق کے لیے لڑ رہی ہے اور اس کے لیے ہمارے کئی رہنما کئی بار جیل جا چکے ہیں۔ چیتَر وساوا قبائلی سماج کا بیٹا اور بھائی ہے۔ وہ قبائلی سماج کو حق دلانے کے لیے نہ جانے کتنی بار جیل جا چکے ہیں۔ یہ لوگ پیسا قانون تو لے آئے، لیکن اسے نافذ نہیں کیا۔ سماج اور گرام سبھا سے پوچھے بغیر ہی یہ تمام فیصلے کر لیتے ہیں۔ آج چیتَر وساوا جیل میں ہیں کیونکہ وہ قبائلی سماج کے لیے لڑ رہے ہیں۔ ان کی جلد رہائی کے لیے دعا کریں۔

ہندوستھان سماچار

ہندوستان سماچار / Md Owais Owais