نئی دہلی، 06 اگست (ہ س)۔

وزیر اعظم نریندر مودی سے جمعرات کی شام اسرائیل کے وزیر اعظم بنیامن نیتن یاہو نے ٹیلیفون پر بات چیت کی۔

دونوں رہنماوں نے بھارت اور اسرائیل کے درمیان مسلسل مضبوط ہوتے اسٹریٹجک تعلقات کا جائزہ لیا اور باہمی تعاون کو مزید فروغ دینے پر اتفاق کیا۔

وزیر اعظم کے دفتر (پی ایم او) کے مطابق، دونوں رہنماوں نے دفاع، زراعت، سائنس، ٹیکنالوجی، اختراعات اور دیگر شعبوں میں جاری دوطرفہ تعاون پر تبادلہ خیال کیا۔

دونوں ممالک نے اپنی خصوصی اسٹریٹجک شراکت داری کو مزید مستحکم کرنے کے عزم کا اظہار کیا تاکہ اس سے دونوں ملکوں کو فائدہ پہنچے۔

وزیر اعظم مودی اور نیتن یاہو نے مغربی ایشیا کی حالیہ صورتحال پر بھی تبادلہ خیال کیا۔ دونوں رہنماوں نے خطے کی موجودہ صورتِ حال پر گفتگو کرتے ہوئے آئندہ بھی ایک دوسرے کے ساتھ مسلسل رابطے میں رہنے پر اتفاق کیا۔

ہندوستھان سماچار

ہندوستان سماچار / عطاءاللہ