جورہاٹ (آسام)، 29 اگست (ہ س)۔ آسام کے جورہاٹ ضلع کے چنامرا چائے باغان میں ہفتہ کو ایک المناک واقعہ میں تین نوجوان-لڑکوںکی تالاب میں ڈوبنے سے موت ہو گئی۔ مرنے والوں کی شناخت اکشت کمار رائے، سشانت پٹیل اور ریہان کے طور پر ہوئی ہے۔

اطلاعات کے مطابق، جورہاٹ کے پھانسی آلی علاقے کے تقریباً 10 سے 12 نوجوانوں اور لڑکوں کا ایک گروپ سالگرہ کی تقریب منانے کے لیے چنامرا چائے کے باغ میں گیا تھا۔ پارٹی کے بعد کچھ نوجوان تالاب میں چلے گئے، جہاں وہ گہرے پانی میں ڈوب گئے۔

واقعہ کی اطلاع ملتے ہی مقامی لوگ اور پولیس جائے وقوعہ پر پہنچ گئی۔ طویل تلاش کے بعد ایس ڈی آر ایف کی ٹیم نے تالاب سے تینوں کی لاشیں نکالیں۔ واقعے کے بعد علاقے میں سوگ کی فضا چھا گئی ہے۔ پولیس نے تفتیش شروع کر دی ہے۔

ہندوستھا ن سماچار

ہندوستان سماچار / محمد شہزاد