بنگلورو پولیس کی گاڑی اور یوپی کی بس میں آمنے سامنے ٹکر، 4 کی موت اور 12 زخمی

بھوپال/راج گڑھ، 28 اگست (ہ س)۔

مدھیہ پردیش کے ضلع راج گڑھ کے بیاورا میں بھوپال بائی پاس پل پر جمعہ کی صبح ملزمان کی تلاش میں نکلی بنگلورو پولیس ٹیم کی گاڑی اور اتر پردیش کی ایک مسافر بس کے درمیان آمنے سامنے زوردار ٹکرہوگئی۔ حادثے میں بنگلورو پولیس کے ایک سائبر انسپکٹر اور بس ڈرائیور سمیت 4 افراد کی موت ہو گئی، جبکہ 12 مسافر زخمی ہوئے ہیں۔ شدید طور پر زخمی پانچ افراد کو بھوپال ریفر کیا گیا ہے۔

معلومات کے مطابق، راج گڑھ ضلع ہیڈکوارٹر کے قریب قومی شاہراہ پر جمعہ کو خوفناک سڑک حادثہ پیش آیا۔ ملزمان کی تلاش میں نکلی بنگلورو (کرناٹک) پولیس کی گاڑی اور اتر پردیش کی ایک مسافر بس کے درمیان آمنے سامنے زوردارٹکرہوگئی۔ ٹکر اتنی شدید تھی کہ دونوں گاڑیوں کے پرخچے اڑ گئے۔ اس دردناک حادثے میں کرناٹک پولیس کے ایک پولیس انسپکٹر، بس ڈرائیور سمیت 4 افراد کی موقع پر ہی موت ہو گئی۔ وہیں 3 پولیس اہلکاروں سمیت 12 افراد شدید زخمی ہو گئے ہیں، جن میں سے 5 کی حالت نازک ہونے پر انہیں ابتدائی علاج کے بعد فوری طور پر بھوپال ریفر کیا گیا ہے۔

متوفیان میں کرناٹک پولیس انسپکٹر روی کے وی (عمر 45 سال) ولد بسپا، ساکن بنگلورو، کرناٹک، وکاس شکلا (عمر 29 سال) ولد اودھ نارائن، ساکن تیندولی، فتح پور، اتر پردیش (بس ڈرائیور)، بلال علی (عمر 23 سال) ولد کلیم اللہ میاں ساکن ساتھی، گوپال گنج، بہار اور جیوتی رادتیہ سنگھ گوڑ ولد وکرم سنگھ گوڑ ساکن بجواڑ شامل ہیں۔

زخمی ہونے والے 12 افراد کو فوری طور پر قریبی ضلع اسپتال پہنچایا گیا، جہاں سے شدید زخمیوں کو بھوپال بھیجا گیا ہے۔ کرناٹک پولیس میں اے ایس آئی کے عہدے پر تعینات شری نواس (عمر 50 سال) ولد وینکٹیش گری، ساکن بنگلورو کو بھوپال ریفر کیا گیا ہے۔ اس کے علاوہ امت کمار (عمر 40 سال) ولد ونود کمار سنگھ، ساکن محمد پور، جونپور (اتر پردیش)، سریندر پرتاپ سنگھ (عمر 68 سال) ولد بھدرسین سنگھ، ساکن گرام ہروری، ضلع جونپور (اتر پردیش)، سمن شرما (عمر 36 سال) زوجہ روی شرما، ساکن کانپور (اترپردیش) اور کیشو (عمر 28 سال) ولد شری پال، ساکن متھلا، علی گڑھ (اترپردیش) شامل ہیں۔

دوسری جانب، مینو سنگھ (عمر 37 سال) زوجہ امت کمار، ساکن جونپور (اترپردیش)، رکشت سنگھ (عمر 13 سال) ولد امت سنگھ، ساکن جونپور (اتر پردیش)؛ روی شرما (عمر 42 سال) ولد دیناناتھ شرما، ساکن کانپور (اتر پردیش)، پارتھ شرما (عمر 08 سال) ولد روی شرما، ساکن کانپور (اتر پردیش)، رمیش نائک ولد پنڈپا، ساکن بنگلورو (کرناٹک پولیس میں سب انسپکٹر/ایس آئی، حادثے میں زخمی)، وشوناتھ (عمر 39 سال) ولد موہن، ساکن سائبر سیل بنگلورو، کرناٹک (پولیس اسٹاف، حادثے میں زخمی) اور سونو (عمر 39 سال) ولد ہری بابو، ساکن گرام خیرآباد، سیتاپور (اترپردیش) شامل ہیں۔ (بس کے معاون ڈرائیور گڈو ولد کنور کشواہا، ساکن بھانڈولی، سیتاپور بھی محفوظ/زخمی بتائے جا رہے ہیں۔)

بنگلورو پولیس ٹیم کے مطابق، بنگلورو کی سائبر سیل اور پولیس ٹیم ایک مجرمانہ معاملے میں ملزمان کی لوکیشن ٹریس کرتے ہوئے اترپردیش کی طرف جا رہی تھی۔ اسی دوران راج گڑھ علاقے میں ان کی گاڑی سامنے سے آنے والی یوپی نمبر کی بس سے ٹکرا گئی۔ واقعہ کی اطلاع ملتے ہی ضلع انتظامیہ اور پولیس فورس فوری طور پر موقع پر پہنچ گئی۔ پولیس نے کرین کی مدد سے گاڑیوں کو ہٹوا کر راستہ صاف کرایا اور لاشوں کو پوسٹ مارٹم کے لیے بھجوایا۔ پولیس نے مرگ قائم کر کے حادثے کے اسباب کی جانچ شروع کر دی ہے۔

حادثے کی اطلاع ملتے ہی راج گڑھ کے ایس پی امت کمار تولانی اور وزیر مملکت نارائن سنگھ پنوار بیاورا کے سول اسپتال پہنچے۔ انہوں نے زخمیوں کی مزاج پرسی کی۔ وہیں وزیر نارائن سنگھ پنوار نے کہا کہ متوفیان کے تئیں ہماری گہری تعزیت ہے۔ زخمیوں کو مناسب علاج فراہم کرنے کے لیے اسپتال انتظامیہ کو ہدایت دی گئی ہے۔ سبھی جلد صحت یاب ہوں، یہی کامنا ہے۔

ہندوستھان سماچار

ہندوستان سماچار / انظر حسن