نئی دہلی، 27 اگست (ہ س)۔ ہندوستانی مردوں کی فٹبال ٹیم 6 اکتوبر کو کولکاتا کے وویکانند یوا بھارتی کریڑانگَن میں دو بار کی فیفا ورلڈ کپ چیمپئن یوروگوئے کے خلاف بین الاقوامی دوستانہ میچ کھیلے گی۔ یہ مقابلہ ہندوستان کے لیے اس انٹرنیشنل ونڈو میں تیسرا بڑا دوستانہ میچ ہوگا۔ ہندوستانی ٹیم 26 ستمبر کو بنگلورو میں پناما اور 3 اکتوبر کو کولکاتا میں پانچ بار کی عالمی چیمپئن برازیل کا سامنا کرے گی۔

بین الاقوامی فٹبال کی سب سے کامیاب ٹیموں میں شامل یوروگوئے فی الحال فیفا عالمی رینکنگ میں 20 ویں پوزیشن پر ہے۔ یوروگوئے کے موجودہ ہیڈ کوچ ڈیاگو فورلان 2016 میں ممبئی سٹی ایف سی کی جانب سے کھیل چکے ہیں۔ یوروگوئے کے کولکاتا آنے سے ہندوستانی فٹبال شائقین کے لیے ایک تاریخی بین الاقوامی پروگرام کا حصہ مزید مستحکم ہو گیا ہے۔ ایک ہی فیفا ونڈو میں ورلڈ کپ کھیل چکی تین ٹیمیں پناما، برازیل اور یوروگوئے ہندوستان کا دورہ کریں گی۔

ہندوستھان سماچار

---------------

ہندوستان سماچار / انظر حسن