ایم آئی ایم کے کارپوریٹروں کے رشتہ داروں کی مداخلت پر کارروائی کا مطالبہ

اورنگ آباد ، 27 اگست (ہ س)۔ اورنگ آباد میونسپل کارپوریشن کے ترقیاتی کاموں میں ایم آئی ایم کے کارپوریٹروں کے رشتہ داروں کی جانب سے مبینہ مداخلت کے الزام پر میونسپل کارپوریشن کے اجلاس میں ہنگامہ برپا ہوگیا۔ اس دوران ایک ٹھیکیدار کو ملاقات کے لیے بلا کر اس پر مبینہ طور پر داداگیری کرنے کا الزام بھی عائد کیا گیا۔ ایم آئی ایم کے اپوزیشن لیڈر سمیر ساجد بلڈر نے موقف اختیار کیا کہ اگر میونسپل کارپوریشن کے ترقیاتی کاموں میں کارپوریٹروں کے رشتہ داروں کی مداخلت پائی جاتی ہے تو متعلقہ افراد کے خلاف براہ راست مقدمہ درج کیا جانا چاہیے۔

بلڈر نے واضح کیا کہ میونسپل کارپوریشن کے کام کاج میں کسی بھی کارپوریٹر کے رشتہ داروں کو مداخلت نہیں کرنی چاہیے۔ انہوں نے کہا کہ کوئی بھی شخص اور کسی بھی کارپوریٹر کا رشتہ دار میونسپل کارپوریشن کے کام کاج میں مداخلت نہ کرے۔ انہوں نے کہا کہ ترقیاتی کاموں میں ٹھیکیداروں پر دباؤ ڈالنا یا غیر مجاز طریقے سے مداخلت کرنا مناسب نہیں ہے۔ ایسے معاملات کی روک تھام کے لیے میونسپل انتظامیہ کو ضروری کارروائی کرنی چاہیے، تاکہ ترقیاتی کام ضابطے کے مطابق اور بلا رکاوٹ جاری رہ سکیں۔

ہندوستھان سماچار

--------------------

ہندوستان سماچار / جاوید این اے