بستی 23 اگست (ہ س)۔ کرشنا قتل معاملہ کو 24 گھنٹوں کے اندر کامیابی کے ساتھ حلکرتے ہوئے،دوبولیا پولیس نے دو مطلوب ملزموں کو گرفتار کرتے ہوئے ان کی نشاندہی پر ایک ہنسیا، گمچھا اور 700 روپے برآمد کیے ہیں۔ موصولہ معلومات کے مطابق، بیٹی نے اپنے عاشق کے ساتھ مل کر دوبولیا میں اپنے ہی والد کا گلا گھونٹ کر ہنسیا اور گمچھے سے قتل کر دیا۔ متوفی کے بھائی کاشی پرساد کی شکایت پر مقدمہ درج کیا گیا۔ اتوار کو، واقعے کی کوریج کرتے ہوئے، پولیس کو پتہ چلا کہ متوفی کی بیٹی کا بوائے فرینڈ لکشمن ولدراجو، جو بھبرولی ،پولیس اسٹیشن دوبولیا ضلع بستی کا رہائشی ہے اور بیٹی درگا بنت لیٹ۔کرشنا پرساد ساکن رامواپور تیواری پولیس اسٹیشن، کنٹونمنٹ، بستی کو سنیچر کو جیتاپور موڑ رامجانکی مارگ سے حراست میں لے کر جیل بھیج دیا گیا۔

سرکل آفیسر کلواری بریجیش سنگھ نے بتایا کہ ملزم سے پوچھ گچھ کے دوران یہ بات سامنے آئی کہ 21 اگست کی سہ پہر دونوں بھبرولی کے کھیت میں نہر کے قریب ملنے گئے تھے، تبھی درگا کے والد کرشنا پرساد وہاں آئے اور اسے مارنا شروع کر دیا۔ تبھی دونوں نے مل کر کر کرشنا پرساد کو پکڑ لیا اور اس کی پٹائی کی۔ گمچھا سے گلادباکر ہنسیا سے اس کے گردن اور سینے پروار کیا۔ لکشمن اس کے سینے پر چڑھ گیا اور دونوں نے مل کر اسے مار ڈالا۔ یہ یقین کرنے کے بعد کہ کرشنا پرساد مر چکے ہیں، انہوں نے ان کی لاش کو نہر میں پھینک دیا۔ ہنسیا بھی وہاں پھینک دیا اور چھپ گئے۔ اس کے بعد دونوں ناسک فرار ہونے کی کوشش کر رہے تھے کہ پولیس نے انہیں پکڑ لیا۔

ہندوستھان سماچار

---------------

ہندوستان سماچار / عبدالسلام صدیقی