مغربی بردوان، 19 اگست (ہ س)۔

بین ریاستی منشیات اسمگلنگ کے خلاف مہم میں آسنسول-درگاپور پولیس کمشنریٹ کی سالان پور تھانہ پولیس کو بڑی کامیابی ملی ہے۔ پولیس نے بنگال-جھارکھنڈ سرحد سے متصل دھان گڑی کاشی ڈانگا علاقے میں کارروائی کرتے ہوئے 510 گرام براؤن شوگر برآمد کی ہے۔ برآمد شدہ منشیات کی تخمینی بازار قیمت تقریباً ایک کروڑ روپے بتائی گئی ہے۔ معاملے میں پولیس نے دو افراد کو گرفتار کیا ہے اور اسمگلنگ میں استعمال ہونے والی ایک پک اپ وین بھی ضبط کی ہے۔

پولیس ذرائع کے مطابق سالان پور تھانے کے انسپکٹر انچارج وشو جیت منڈل کی قیادت اور روپ نارائن پور پھاڑ ی کے انچارج سمنگل سرکار کی سرگرمی سے ایک خصوصی ٹیم تشکیل دی گئی تھی۔ ٹیم بدھ کی صبح سے بنگال-جھارکھنڈ سرحدی علاقے میں نگرانی کر رہی تھی۔ دوپہر تقریباً 12 بجے دھان گڑی موڑ کے قریب پولیس نے ایک مشتبہ پک اپ وین کو روک کر تلاشی لی۔

تلاشی کے دوران وین میں سگریٹ کے کئی کارٹن ملے۔ پولیس کے مطابق کارٹن کے اندر خصوصی طریقے سے چھپائے گئے براؤن شوگر کے پیکٹ برآمد ہوئے۔ جانچ کے بعد مجموعی طور پر 510 گرام براو¿ن شوگر ملنے کی تصدیق ہوئی۔

پولیس نے گاڑی میں سوار دونوں ملزموں کو گرفتار کرکے سالان پور تھانے لائی۔ پوچھ گچھ کے دوران پولیس یہ معلوم کرنے کی کوشش کر رہی ہے کہ منشیات کہاں سے لائی گئی تھی، اسے کہاں پہنچایا جانا تھا اور اس بین ریاستی اسمگلنگ نیٹ ورک میں مزید کون کون لوگ شامل ہیں۔

ہندوستھان سماچار

ہندوستان سماچار / عطاءاللہ