مہوبہ، 16 اگست (ہ س)۔ اتر پردیش کے مہوبہ میں موسلادھار بارش نے لوگوں کے لیے مسائل پیدا کر دیے۔ تقریبا دو گھنٹے تک جاری رہنے والی موسلا دھار بارش نے ریلوے کی تیاریوں کی تیاریوں کی قلعی کھول دی۔ ضلع ہیڈکوارٹر میں پرانا ریلوے انڈر برج میںاتنا پانی بھر گیا کہ پورا پل ڈوب گیا ۔ انڈر برج سے گزرنے والی روڈ ویز بس راستے میں پھنس گئی، جس سے مسافروں کی جان کو خطرہ لاحق ہو گیا۔ مسافروں نے ایک دوسرے کی مدد کی۔ کافی جدوجہد کے بعد بس کو بلڈوزر سے باہر نکالا گیا۔ اس واقعے نے ریلوے کی کئی کروڑ کی تعمیر پر سوالات کھڑے کر دیے ہیں۔

مہوبہ قصبے میں بجریا کو ضلع ہیڈکوارٹر سے جوڑنے والا پرانا ریلوے انڈر برج ہفتے کی شام شدید بارش کے بعد مکمل طور پر ڈوب گیا۔ پورا پل تالاب میں بدل گیا۔ رات کو ضلع کے مہوبہ ڈپو کی روڈ ویز بس مسکورا سے مسافروں کو لے کر ہیڈ کوارٹر آ رہی تھی۔ جب ڈرائیور نے بس کو پانی سے بھرے علاقے سے باہر نکالنے کی کوشش کی تو پانی جمع ہونے کی وجہ سے انجن بندہو گیا اور بس کے بیچ میں پہنچتے ہی بس میں پانی بھرنا شروع ہو گیاجس سے بس میں سوار مسافر پریشان ہوگئے۔ صورتحال خراب ہوتے دیکھ کر مقامی لوگوں اور مسافروں نے بہادری سے ایک دوسرے کی مدد کی۔ کئی خواتین مسافروں کو بمشکل رسکیو کرکے پانی سے باہر نکالا گیاجس کے بعد انہوں نے راحت محسوس کی۔

اتوار کو جھانسی ریلوے ڈویژن کے تعلقات عامہ کے افسر منوج کمار سنگھ نے بتایا کہ مہوبہ یارڈ میں پرانا آر یو بی-429 ہفتہ کی شام زیادہ بارش کی وجہ سے پانی سے بھر گیا تھا۔ پرانے انڈر برج کو حفاظتی وجوہات کی بنا پر سڑک ٹریفک کے لیے عارضی طور پر بند کر دیا گیا تھا۔ نکاسی آب کے لیے 10 ایچ پی اور 42 ایچ پی پمپ مسلسل چلائے گئے۔ پانی بھر جانے کے دوران انجن فیل ہونے کی وجہ سے روڈ ویز کی بس انڈر برج میں پھنس گئی تھی، اس میں سوار تمام مسافروں کو فوری طور پر بحفاظت نکال لیا گیا۔ رات گئے نکاسی آب کے کام کے بعد ٹریفک کو بحال کیا جا سکا۔

روڈ ویز کی بس تقریبا ایک گھنٹے تک انڈر برج میں پھنسی رہی۔ اطلاع ملنے پر ریلوے انتظامیہ کی ایک ٹیم موقع پر پہنچی اور جے سی بی کی مدد سے بس کو باہر نکالا۔ اس واقعے نے ریلوے کی تیاری اور کروڑوں روپے کے تعمیراتی کام پر ایک بڑا سوالیہ نشان لگا دیا ہے۔ ہر بار جب ایسے انڈربرج بارش میں ڈوب جاتے ہیں تو ٹریفک رک جاتی ہے، پھر بھی آج تک کوئی مستقل حل نہیں نکالاگیا ہے۔ مسئلہ صرف ایک پل تک محدود نہیں ہے بلکہ تقریبا تمام انڈربرج بارش کے موسم میں ایک جیسی صورتحال کا سامنا کرتے ہیں۔

ہندوستھان سماچار

---------------

ہندوستان سماچار / عبدالسلام صدیقی