راج گڑھ، 10 اگست (ہ س)۔ مدھیہ پردیش کے راج گڑھ ضلع کے سارنگ پور پولیس اسٹیشن کے علاقے میں پیر کی صبح شدید بارش کے درمیان نالے کے زیر تعمیر پل پر تیز بہاوکی وجہ سے ایک ایکو کار بہہ جانے سے سسراور داماد کے خاندان کے نو افراد ہلاک اور دو دیگر بہہ گئے۔جبکہ دولوگوں نے تیرکراپنی جان بچائی۔ وزیر اعلی ڈاکٹر موہن یادو نے حادثے پر افسوس کا اظہار کیا ہے اور مالی امداد کا اعلان کیا ہے۔ڈرائیور نے گاوں پڑانا چوکی کے علاقے میں بائی پاس پر واقع جھری نالہ کے زیر تعمیر پل پر تیز بہاو میں ایکو کار کو باہر نکالنے کی کوشش کی لیکن گاڑی نالہ میں گر گئی۔ گاڑی میں کل 11 افراد سوار تھے۔ ان میں سے نو کی موت ڈوبنے سے ہوئی جبکہ دو لوگ تیرکر اپنی جان بچانے میں کامیاب ہو گئے۔
پولیس کے مطابق ایکو کار میں سوار خاندان دیواس ضلع کے ستواس پولیس اسٹیشن کے علاقے کے ایک گاوں کڑلاود دھام جا رہا تھا۔ بتایا گیا کہ شنکر سنگھ کی بیوی ساگر بائی فالج کا شکار تھیں۔ گھر والے اسے جھاڑنے کے لیے کڑلاود دھام لے جا رہے تھے۔ ساتھ ہی شدید بارش کی وجہ سے جھری ندی میں پانی کا بہاو نمایاں طور پر بڑھ گیا تھا۔ جاں بحق ہونے والوں کی شناخت وشال (27) بیٹے شنکر سنگھ چوہان گاوں دھنساد، شنکر سنگھ (50) بیٹے سوہیبو چوہان، پوجا (25) بیوی وشال سنگھ، ساگر بائی (45) بیوی شنکر سنگھ چوہان، مہک (2) بیٹی وشال، ونشیکا (3) بیٹی وشال، رینو پنوار (28) بیوی ہوکم سنگھ پنوار، جسپریت (5) بیٹی ہوکم سنگھ اور راج ویر (3) بیٹے ہوکم سنگھ پنوار کے طور پر ہوئی ہے۔ نکل سنگھ پنوار کا بیٹا ہوکم سنگھ (40) اور نانک رام کا بیٹا مکیش (40) تیر کر محفوظ مقام پر پہنچ گئے۔
اطلاع ملنے پر ایس ڈی ایم روہت بمہورے ،ایس ڈی او پی اروند سنگھ اور تھانہ انچارج راہل رگھونشی موقع پر پہنچے۔ ریسکیو ٹیم نے کافی کوشش کے بعد لاشوں کو باہر نکالا۔ کرین کی مدد سے کار کو بھی نالے سے باہر نکالا گیا۔ پوسٹ مارٹم کے بعد لاش رشتہ داروں کے حوالے کر دی گئی۔ پولیس نے مقدمہ درج کر کے تفتیش شروع کر دی ہے۔
وزیر اعلی ڈاکٹر موہن یادو نے حادثے پر افسوس کا اظہار کیا ہے اور ہلاک ہونے والوں کے خاندانوں میں سے ہر ایک کو 4 لاکھ روپے کی مالی امداد کا اعلان کیا ہے۔ کلکٹر ڈاکٹر گریش کمار مشرا نے بتایا کہ وزیر اعلی کے اعلان کے مطابق اہل متوفی کے خاندانوں کو قواعد کے مطابق مالی مدد فراہم کرنے کے لیے کارروائی کی جا رہی ہے۔
ہندوستھان سماچار
--------
ہندوستان سماچار / عبدالسلام صدیقی
