نئی دہلی، 10 اگست (ہ س)۔شرد پوار کی پارٹی نیشنلسٹ کانگریس پارٹی (این سی پی) کے تمام 8 لوک سبھا ممبران پارلیمنٹ نے پیر کو وزیر اعظم نریندر مودی سے ملاقات کی۔ پارٹی کی ورکنگ صدر سپریا سولے کی قیادت میں اراکین پارلیمنٹ کے ایک وفد نے وزیر اعظم مودی سے ملاقات کی۔میٹنگ میں مہاراشٹر سے متعلق مختلف مسائل پر تبادلہ خیال کیا گیا۔ ممبران پارلیمنٹ نے اپنے متعلقہ لوک سبھا حلقوں کے مسائل وزیر اعظم کے سامنے رکھے۔میٹنگ کے بعد میڈیا سے بات کرتے ہوئے این سی پی (ایس پی) کے رکن پارلیمنٹ امول آر کھولے نے بتایا کہ تمام ممبران پارلیمنٹ کے اپنے اپنے حلقوں سے متعلق مختلف مسائل تھے۔ ان میں حکومتی پالیسیاں، دریاو¿ں کو آپس میں جوڑنا، ریلوے اور کسانوں کے لیے قرض معافی جیسے مسائل شامل تھے۔انہوں نے کہا کہ پونے-ناسک نیم تیز رفتار ریلوے پر بھی تبادلہ خیال کیا گیا۔ اس منصوبے کے معاملے پر حال ہی میں بڑے مظاہرے ہوئے تھے۔امول کھولے نے کہا کہ پارلیمنٹ میں مسلسل ہنگامہ آرائی کی وجہ سے ممبران پارلیمنٹ ان مسائل کو ایوان میں نہیں اٹھا سکے۔ اس لیے انہوں نے وزیر اعظم سے ملاقات کی اور اپنے مسائل ان کے سامنے رکھے۔انہوں نے کہا کہ وزیر اعظم مودی نے اراکین پارلیمنٹ کی باتیں غور سے سنیں۔ ان کا رویہ کافی مثبت تھا اور انہوں نے ان مسائل پر کارروائی کی یقین دہانی کرائی۔ایم پی نے یہ بھی واضح کیا کہ وزیر اعظم کے ساتھ ملاقات میں پارلیمنٹ کی کارروائی پر کوئی بات چیت نہیں ہوئی۔

ہندوستھان سماچار

---------------

ہندوستان سماچار / عبدالسلام صدیقی