جموں, 09 جولائی (ہ س) فوج کے سربراہ جنرل دھیرج سیٹھ نے جمعرات کو ضلع پونچھ کے اگلے محاذوں کا دورہ کرکے موجودہ سلامتی صورتحال، فوجی کارروائیوں کی تیاری اور جوانوں کی جنگی صلاحیت کا جائزہ لیا۔

سرکاری ذرائع کے مطابق جنرل دھیرج سیٹھ نے سب سے پہلے نگروٹہ میں قائم وائٹ نائٹ کور ہیڈکوارٹر کا دورہ کیا، جہاں سینئر فوجی افسران نے انہیں جموں خطے کی مجموعی سلامتی صورتحال اور کور کے تحت تعینات دستوں کی آپریشنل تیاریوں کے بارے میں تفصیلی بریفنگ دی۔

اس کے بعد فوج کے سربراہ نے ضلع پونچھ کے سرحدی اگلے محاذوں کا دورہ کیا اور وہاں سلامتی انتظامات، فوجی تعیناتی اور آپریشنل تیاریوں کا جائزہ لیا۔ انہوں نے پونچھ بریگیڈ ہیڈکوارٹر میں سینئر فوجی افسران سے بھی ملاقات کی، جہاں انہیں موجودہ سلامتی منظرنامے، فوجی تعیناتی اور کسی بھی ممکنہ چیلنج سے نمٹنے کے لیے فوج کی تیاریوں سے آگاہ کیا گیا۔

ذرائع کے مطابق جنرل دھیرج سیٹھ منگل سے جموں و کشمیر کے دورے پر ہیں۔ اس دوران انہوں نے لیفٹیننٹ گورنر منوج سنہا اور وزیر اعلیٰ عمر عبداللہ سے ملاقات کی اور کشمیر میں مجموعی سلامتی صورتحال کا بھی جائزہ لیا۔

ہندوستھان سماچار

---------------

ہندوستان سماچار / محمد اصغر