نئی دہلی، 6 جولائی (ہ س)۔

دہلی پولیس کے اسپیشل سیل نے پاکستانی دہشت گرد شہزاد بھٹی نیٹ ورک کے دو ماڈیولز کا پردہ فاش کیا ہے۔ ایک دہشت گرد ماڈیول اور دوسرا غیر قانونی اسلحہ کی اسمگلنگ میں ملوث ہے۔ دہلی اور پنجاب سے کل چھ ملزمین کو گرفتار کیا گیا ہے۔

پولیس کے مطابق اسپیشل سیل کے ناردرن رینج (این ڈی آر) نے اس نیٹ ورک کا قلع قمع کرنے کے لیے مشترکہ آپریشن کیا۔ ملزمان سے متعدد پستول اور پیٹرول بم برآمد ہوئے ہیں۔ قبضے میں لیے گئے ہتھیاروں اور دھماکہ خیز مواد کے مطلوبہ استعمال اور اس نیٹ ورک سے منسلک مختلف ریاستوں اور تنظیموں کا تعین کرنے کے لیے ابتدائی تحقیقات جاری ہیں۔ پولیس کے مطابق تفتیش جاری ہے، گرفتار ملزمان سے پوچھ گچھ کی بنیاد پر نیٹ ورک کے دیگر ارکان کی شناخت اور گرفتاری کے لیے چھاپے مارے جا رہے ہیں۔ اسلحے کی سپلائی چین اور فنڈنگ کے ذرائع کی بھی چھان بین کی جا رہی ہے۔

ہندوستھان سماچار

ہندوستان سماچار / عطاءاللہ