موگنج، 6 جولائی (ہ س)۔ مدھیہ پردیش کے موگنج ضلع میں مصنوعی منشیات کی غیر قانونی تجارت کے خلاف اب تک کی سب سے بڑی کارروائی میں، پولس نے شاہ پور تھانہ علاقے کے بیجہولی گاوں میں کام کرنے والے ایک غیر قانونی ایم ڈی (میفیڈرون) ڈرگ مینوفیکچرنگ یونٹ کا پردہ فاش کیا ہے۔ چھاپے کے دوران کروڑوں روپے مالیت کا سامان بشمول تیار شدہ ایم ڈی ڈرگز، کیمیکل، تیزاب، جدید ترین مشینری، آلات اور ایک فور وہیلر قبضے میں لے لیا گیا۔ موقع سے چار ملزمان کو گرفتار کر کے پورے نیٹ ورک سے تفتیش شروع کر دی گئی ہے۔

پولیس کے مطابق ریوا زون کے انسپکٹر جنرل آف پولیس (آئی جی) گورو راجپوت کو ایک مخبر سے اطلاع ملی کہ بیجہولی گاو¿ں میں بڑے پیمانے پر مصنوعی منشیات تیار کی جا رہی ہیں۔ اطلاع کی بنیاد پر مﺅگنج پولیس کے سپرنٹنڈنٹ ایس کے جین کی ہدایت اور ایس ڈی او پی سچی پاٹھک کی نگرانی میں ایک خصوصی ٹیم تشکیل دی گئی۔ اتوار کی رات دیر گئے مشتبہ جگہ پر چھاپہ مارا گیا۔

پولیس کے پہنچتے ہی علاقے میں خوف و ہراس پھیل گیا تاہم انہوں نے علاقے کو گھیرے میں لے کر چار ملزمان کو گرفتار کر لیا۔ تلاشی کے دوران تیار شدہ ایم ڈی منشیات، منشیات کی تیاری میں استعمال ہونے والا کیمیکل، تیزاب، مشینری اور دیگر سامان برآمد ہوا۔ ایک فور وہیلر، جس کا مشتبہ طور پر منشیات کی نقل و حمل کے لیے استعمال کیا جاتا تھا، بھی ضبط کر لیا گیا۔

ابتدائی تحقیقات میں یہ بات سامنے آئی ہے کہ یہاں تیار ہونے والی ایم ڈی ڈرگز ریوا ڈویژن کے ساتھ ساتھ ممبئی سمیت دیگر بڑے شہروں میں بھی سپلائی کی جاتی تھیں۔ پولیس اب اس نیٹ ورک، مالیاتی لین دین اور سپلائی چین میں ملوث دیگرا سمگلروں کی تفتیش کر رہی ہے۔

پولیس حکام کا کہنا ہے کہ یہ ریوا زون میں سنتھیٹک منشیات کے خلاف اب تک کا سب سے بڑا کریک ڈاون سمجھا جارہا ہے۔ قبضے میں لیے گئے مواد کی سائنسی جانچ کی جائے گی اور ملزمان سے پوچھ گچھ کی بنیاد پر پورے گینگ کے خلاف مزید کارروائی کی جائے گی۔مزید مختلف پولیس ایجنسیوں کی مدد سے تفتیش جاری ہے۔

---------------

ہندوستان سماچار / عبدالسلام صدیقی