ڈونگر پور، 3 جولائی (ہ س)۔

ضلع سپرنٹنڈنٹ آف پولیس منیش کمار کی قیادت میں غیر قانونی شراب اسمگلنگ کے خلاف چلائی جا رہی خصوصی مہم کے تحت ضلع اسپیشل ٹیم کو ایک بڑی کامیابی ہاتھ لگی ہے۔ ڈی ایس ٹی ٹیم نے بچھی واڑا تھانہ علاقہ میں ناکے بندی کے دوران ایک ای کو گاڑی سے غیر قانونی طور سے گجرات اسملنگ کی جا رہی انگریزی شراب کے 31 کارٹن ضبط کئے ہیں۔ ضبط کی گئی شراب کی تخمینہ مالیت تقریباً ڈھائی لاکھ روپے بتائی جارہی ہے۔

ڈی ایس ٹی ٹیم کو ایک مخبر سے مصدقہ اطلاع ملی کہ بچھی واڑہ علاقے سے غیر قانونی شراب سے لدا ایک ایکو رکشہ گجرات لے جایا جا رہا ہے۔ ٹیم نے تیزی سے کام کرتے ہوئے پالیسوڈا روڈ پر ہنگامی ناکہ بندی کر دی۔ اسی دوران ایک مشکوک ایکو رکشا کو قریب آتے دیکھا گیا۔ پولیس کی ناکہ بندی دیکھ کر ڈرائیور نے گاڑی موڑ کر فرار ہونے کی کوشش کی۔

تیار بیک اپ ٹیم نے فوری طور پر ٹائر بریکر کا استعمال کرتے ہوئے گاڑی کے ٹائروں کو پنکچر کیا۔ اس کے باوجود ڈرائیور نے پنکچر ہونے والی گاڑی کو مین روڈ سے تقریباً ایک کلومیٹر دور بھگا دیا، اسے ویران علاقے میں ایک گھر کے قریب چھوڑ دیا اور اندھیرے کا فائدہ اٹھاتے ہوئے فرار ہو گیا۔ پولیس کی ایک ٹیم نے لاوارث ایکو رکشہ کی تلاشی لی اور مختلف معروف برانڈز کی 31 کارٹن غیر قانونی شراب برآمد کی۔ ٹیم نے گاڑی اور شراب کو قبضے میں لے کر مزید قانونی کارروائی کے لیے بچھی واڑہ پولیس اسٹیشن کے حوالے کردیا۔ پولیس فرار ڈرائیور کی تلاش کر رہی ہے۔

ہندوستھان سماچار

ہندوستان سماچار / عطاءاللہ