پورنیہ، 3 جولائی (ہ س)۔ضلع کے مرنگا تھانہ علاقے میں نابالغ لڑکی سے زیادتی کے واقعے کے بعد پولیس نے فوری کارروائی کرتے ہوئے دو لوگوں کو گرفتار کر لیا۔ اس معاملے میں ملوث ایک نابالغ کو بھی حراست میں لے لیا گیا ہے۔معلومات کے مطابق واقعہ کی اطلاع ملنے پر پورنیہ کے سینئر سپرنٹنڈنٹ آف پولیس کی ہدایت پر سب ڈویژنل پولیس آفیسر، صدر-1 کی قیادت میں ایک خصوصی ٹیم تشکیل دی گئی۔ ٹیم نے فوری چھاپہ ماری کی اور 19 سالہ رام لال سورین اور 23 سالہ گوپال سورین کو گرفتار کیا ۔اس معاملے میں ایک نابالغ کے ملوث ہونے کا بھی انکشاف ہوا ہے، جسے پولیس نے حراست میں لے لیا ہے۔ واقعے کی سنگینی کو دیکھتے ہوئے ایف ایس ایل کی ٹیم کو جائے وقوعہ پر بلایا گیا، جہاں سے سائنسی شواہد اکٹھے کیے گئے۔پولیس گرفتار لوگوں اور زیر حراست نوجوان کے خلاف مزید قانونی کارروائی کر رہی ہے۔ نابالغ سے متعلق معاملے کی وجہ سے متاثرہ کی شناخت کو پوشیدہ رکھا گیا ہے۔

ہندوستھان سماچار

ہندوستان سماچار / Mohammad Afzal Hassan