نتیش تیواری کی ہدایت کاری میں بننے والی انتہائی متوقع فلم 'رامائن' اپنی ریلیز سے پہلے ہی سرخیاںبٹور رہی ہے۔ اب اس فلم سے متعلق ایک اور بڑی خبر سامنے آئی ہے۔ رپورٹس کے مطابق ٹی سیریز نے فلم کے دونوں حصوں کے میوزک رائٹس حاصل کر لیے ہیں۔ کہا جارہا ہے کہ یہ معاہدہ 75 کروڑ روپے کے پیشگی معاہدے کے حصے کے طور پر کیا گیا ہے۔ تاہم، ذرائع کے مطابق، یہ رقم ریفنڈیبل ایڈوانس کے طور پر طے کی گئی ہے، جو معاہدے کو مزید خاص بناتی ہے۔
رپورٹس کے مطابق کئی بڑی میوزک کمپنیاں 'رامائن' کے میوزک رائٹس حاصل کرنے کی دوڑ میں تھیں لیکن آخر کار ٹی سیریز جیت گئی۔ کمپنی کے قریبی ذرائع نے کہا، بھوشن کمار اور ٹی سیریز کی سینئر ٹیم فلم کی بے پناہ موسیقی کی صلاحیت کے بارے میں پراعتماد ہیں۔ یہ 75 کروڑ روپے ایڈوانس فلم کے دونوں حصوں کے میوزک رائٹس کے لیے دیے گئے ہیں۔ اسے ہندوستانی موسیقی کی صنعت میں موسیقی کے حقوق کے سب سے بڑے سودوں میں سے ایک قرار دیا جا رہا ہے۔
فلم سازوں کو فلم کی موسیقی سے بھی بہت امیدیں ہیں، کیونکہ اس میں پہلی بار آسکر ایوارڈ یافتہ موسیقار اے آر رحمان اور ہنس زیمر کا تعاون ہے۔ نمیت ملہوترا کی پروڈیوس کردہ اس فلم میں رنبیر کپور نے بھگوان رام، سائی پلوی نے ماتا سیتا، یش نے راون، سنی دیول نے بھگوان ہنومان اور روی دوبے نے لکشمن کا کردار ادا کیا ہے۔ دو حصوں میں بنائی جانے والی اس فلم کا پہلا حصہ دیوالی 2026 اور دوسرا حصہ دیوالی 2027 کو سینما گھروں میں ریلیز کیا جائے گا۔
ہندوستھان سماچار
---------------
ہندوستان سماچار / عبدالسلام صدیقی
