سرینگر، 28 جولائی (ہ س)۔ سرینگر کے پانتھا چوک علاقے میں سیمپورا کے مقام پر دریائے جہلم میں کودنے والے ایک 25 سالہ نوجوان کی لاش پانچ دن کی تلاشی مہم کے بعد منگل کو برآمد کی گئی۔ عہدیداروں نے بتایا کہ نوجوان کی لاش ریاستی ڈیزاسٹر رسپانس فورس (ایس ڈی آر ایف) کی ٹیموں نے پانتھا چوک سری نگر کے قریب تلاشی مہم کے دوران برآمد کی۔ انہوں نے بتایا کہ یہ آپریشن ایس ڈی آر ایف سری نگر اور مقامی رضاکاروں نے مشترکہ طور پر انجام دیا تھا۔ متوفی کی شناخت سجاد احمد میر (25) ساکن بلہامہ سری نگر کے طور پر ہوئی ہے۔

حکام نے بتایا کہ لاش کو طبی قانونی کارروائیوں اور مزید ضروری کارروائی کے لیے پولیس کے حوالے کر دیا گیا ہے۔ہندوستھان سماچار

ہندوستان سماچار / Aftab Ahmad Mir