دہرادون، 27 جولائی (ہ س)۔ محکمہ موسمیات نے اتراکھنڈ کے بیشتر حصوں میں ہلکی سے درمیانی بارش اور گرج چمک کے ساتھ بوچھاریں پڑنے کی پیش گوئی کی ہے۔ دہرادون، پوڑی، نینی تال اور باگیشور اضلاع میں الگ الگ کہیں -کہیں شدید سے انتہائی شدید بارش کی وارننگ جاری کی گئی ہے۔ محکمہ موسمیات کے مطابق ان اضلاع میں گرج چمک کے ساتھ آسمانی بجلی گرنے اور شدید سے انتہائی شدید بارش کا بھی امکان ہے۔

محکمہ موسمیات نے ٹہری، اترکاشی، رودرپریاگ، چمولی، الموڑہ، چمپاوت، ادھم سنگھ نگر اور پتھورا گڑھ اضلاع میں بھی الگ الگ مقامات پر بھاری بارش کی پیش گوئی کی ہے۔ ان اضلاع میں گرج چمک کے ساتھ تیز بارش ہو سکتی ہے۔ ہریدوار ضلع میں بھی کہیں کہیں گرج چمک کے ساتھ آسمانی بجلی گرنے کی بھی توقع ہے۔

دہرادون کے لیے جاری کی گئی پیش گوئی کے مطابق، شہر میں جزوی طور پر مطلع ابر آلود رہے گا، ہلکی سے درمیانے درجے کی بارش اور گرج چمک کے ساتھ بارش کے ایک یا دو دور ہو سکتے ہیں۔ کچھ مقامات پر بارش شدید ہو سکتی ہے۔ زیادہ سے زیادہ درجہ حرارت 33 ڈگری سیلسیس کے آس پاس رہنے کا امکان ہے۔ محکمہ موسمیات نے ان علاقوں کے لوگوں کو مشورہ دیا ہے جہاں شدید بارش کا امکان ہے محتاط رہیں اور غیر ضروری سفر سے گریز کریں۔

ہندوستھان سماچار

ہندوستان سماچار / محمد شہزاد