ڈوڈہ کے قدیم پُل پر دراڑیں پڑنے سے گاڑیوں کی آمدورفت معطل

جموں، 27 جولائی (ہ س)۔

ڈوڈہ کے قدیم بازار پُل ڈوڈہ میں دریائے چناب کے اوپر بنے پل پر ممکنہ دراڑیں پڑنے کی اطلاعات کے بعد اتوار کی شب احتیاط کے طور پر پل پر گاڑیوں کی آمدورفت معطل کر دی گئی۔

ذرائع کے مطابق اتوار کی شب تقریباً ساڑھے آٹھ سے نو بجے کے درمیان پل کے ڈھانچے میں ممکنہ دراڑوں کی اطلاعات موصول ہوئیں، جس کے بعد عوامی تحفظ کے پیش نظر پل کو عارضی طور پر بند کر دیا گیا۔ یہ پل ڈوڈہ کو کشتواڑ، بھدرواہ اور جموں سے جوڑنے والا ایک اہم رابطہ ہے۔

پولیس ذرائع نے بتایا کہ پل کو محض احتیاطی اقدام کے طور پر بند کیا گیا ہے اور متعلقہ تکنیکی ماہرین کی جانب سے پل کا تفصیلی معائنہ کیا جائے گا۔ حکام کے مطابق پل میں دراڑیں پڑنے کی سرکاری طور پر ابھی تصدیق نہیں ہوئی ہے اور اصل صورتحال تکنیکی معائنے کے بعد ہی واضح ہوگی۔

عوام سے اپیل کی گئی ہے کہ وہ مزید احکامات تک پرانے پل کے استعمال سے گریز کریں اور متبادل راستے کے طور پر گنپت پل کا استعمال کریں۔

ہندوستھان سماچار

ہندوستان سماچار / محمد اصغر