گلاسگو، 27 جولائی (ہ س)۔ ہندوستانی کھلاڑیوں کی شاندار کارکردگی 2026 دولت مشترکہ کھیلوں میں جاری ہے۔ باکسر سچن سیواچ پیر کو مردوں کے 60 کلوگرام زمرے کے کوارٹر فائنل میں پہنچ گئے اور اب تمغے سے ایک قدم دور ہیں۔

اس دوران ، ایتھلیٹکس میں، لوکیش نے مرلی سری شنکر کے ساتھ مل کر مردوں کی لمبی چھلانگ کے فائنل کے لیے کوالیفائی کیا، جبکہ پیرا سوئمنگ میں، سواستیک پاٹل نے مردوں کے 100 میٹر بریسٹ اسٹروک ایس بی9 ایونٹ کے فائنل میں داخلہ لیا۔

سچن سیواچ نے اپنے پری کوارٹر فائنل مقابلے میں مضبوط کارکردگی کا مظاہرہ کرتے ہوئے پہلے دو راونڈز 4-1 کے فرق سے جیت لی۔ انہون نے فائنل راونڈ میں بھی طاقتور مکے بھی لگائے، اور 1-4 سے فائنل آٹھ میں جانے کے لیے اسپلٹ فیصلے سے جیت حاصل کی۔ اس سے قبل انہوں نے راونڈ آف 32 میں کناڈا کے کیوما الاحمدیہ کو 1-4 سے شکست دے کر پری کوارٹر فائنل میں جگہ بنائی تھی۔ اب سچن تمغے سے صرف ایک قدم دور ہیں۔

ہندوستان نے مردوں کے لانگ جمپ ایونٹ میں دوہری کامیابی حاصل کی۔ مرلی سری شنکر نے اپنی پہلی کوشش میں 8.01 میٹر کی چھلانگ لگا کر براہ راست فائنل کے لیے کوالیفائی کیا۔ اس دوران لوکیش نے 7.77 میٹر کی بہترین چھلانگ لگا کر ساتویں نمبر پر رہے اور فائنل میں ٹاپ 12 میں جگہ حاصل کی۔ دونوں ہندوستانی کھلاڑی اب تمغے کے لیے میدان میں ہوں گے۔

پیرا سوئمنگ میں، سواستیک پاٹل نے مردوں کی 100 میٹر بریسٹ اسٹروک ایس بی9 کی دوسری ہیٹ میں 1 منٹ 15.85 سیکنڈ کا وقت طے کر کے چوتھے نمبر پر رہے۔ وہ دونوں ہیٹس کے مشترکہ نتائج میں آٹھویں نمبر پر رہے، فائنل میں سب سے اوپر آٹھ تیراکوں میں جگہ حاصل کی۔

دولت مشترکہ کھیل میں ہندوستانی کھلاڑیوں کی مسلسل کارکردگی سے ملک کی تمغہ مہم کو تقویت مل رہی ہے اور اب کئی مقابلوں میں ہندوستان کی تمغے کی امیدیں مزید بڑھ گئی ہیں۔

ہندوستھان سماچار

---------------

ہندوستان سماچار / عبدالسلام صدیقی