سدھارتھ پہلے سیزن میں کاشی رودراس کا حصہ تھے۔

مرادآباد، 27 جولائی (ہ س)۔

دو سال کے انتظار کے بعد مراد آباد کے رہنے والے اوپننگ بلے باز سدھارتھ چودھری ایک بار پھر یوپی ٹی 20 لیگ میں کھیلتے نظر آئیں گے۔ چوتھا سیزن 14 اگست سے شروع ہونے والا ہے۔ لیگ کا افتتاحی میچ لکھنو¿ کے ایکنا کرکٹ اسٹیڈیم میں کھیلا جائے گا۔ اس بار سدھارتھ کی واپسی نے مقامی کرکٹ کھلاڑیوں کو پرجوش کر دیا ہے۔

کرکٹ کوچ مرزا دانش عالم نے بتایا کہ گزشتہ روز آگرہ میں ہونے والی نیلامی میں نوئیڈا کنگز نے سدھارتھ چودھری کو 2.50 لاکھ روپے میں اپنی ٹیم میں شامل کیا۔ سدھارتھ لیگ کے پہلے سیزن میں کاشی رودراس کا حصہ تھے لیکن اس کے بعد لگاتار دو سیزن تک نیلامی کی فہرست میں رہنے کے باوجود کسی فرنچائز نے انہیں نہیں خریدا۔ مرادآباد کے سول تھانہ علاقے کے ویو گرین کے رہنے والے سدھارتھ چودھری ایک جارحانہ اوپننگ بلے باز ہیں۔ انہوں نے انڈر 14، انڈر 16 اور انڈر 23 کی سطح پر اتر پردیش کرکٹ ایسوسی ایشن کی نمائندگی کی ہے۔ اس بار ان سے بہتر پرفارمنس کی توقع ہے۔

ہندوستھان سماچار

ہندوستان سماچار / عطاءاللہ