گلاسگو، 25 جولائی (ہ س)۔ بھارت کے اسٹار باکسر سچن سیواچ نے دولتِ مشترکہ کھیل 2026 میں شاندار آغاز کرتے ہوئے ہفتہ کے روز مردوں کے 60 کلوگرام وزن کے زمرے کے پری کوارٹر فائنل (راو¿نڈ آف 16) میں جگہ بنا لی۔ٹاپس کور گروپ کے رکن سچن نے کینیڈا کے کے اوما ال احمدیہ کو 4-1 کے اسپلٹ فیصلے سے شکست دی۔مقابلہ انتہائی سنسنی خیز رہا۔ آخری راونڈ میں کینیڈین باکسر نے زبردست واپسی کرتے ہوئے تین ججوں سے 10-10 پوائنٹس حاصل کیے، جبکہ دو ججوں نے سچن کو 10 پوائنٹس دیے۔تاہم پورے مقابلے کی مجموعی کارکردگی کی بنیاد پر چار ججوں نے 29-28، 30-27، 29-28 اور 29-28 کے اسکور کے ساتھ سچن سیواچ کو فاتح قرار دیا، جبکہ ایک جج نے 29-28 کے فرق سے فیصلہ کینیڈین باکسر کے حق میں دیا۔اس کامیابی کے ساتھ سچن نے آخری 16 کھلاڑیوں میں اپنی جگہ پکی کر لی ہے، جہاں ان کا مقابلہ انگلینڈ کے ولیم ہیوٹ سے ہوگا۔ یہ مقابلہ 27 جولائی کو بھارتی وقت کے مطابق شام 4:45 بجے کھیلا جائے گا۔ اس میچ کا فاتح کوارٹر فائنل میں رسائی حاصل کرے گا۔ورلڈ باکسنگ کپ فائنل کے طلائی تمغہ جیتنے والے سچن سیواچ سے دولتِ مشترکہ کھیلوں میں بھی بھارت کو تمغے کی امیدیں وابستہ ہیں، اور انہوں نے پہلے ہی مقابلے میں متاثر کن کارکردگی کا مظاہرہ کرتے ہوئے اپنے مضبوط عزائم کا اظہار کر دیا ہے۔ہندوستھان سماچار

ہندوستان سماچار / Mohammad Khan