نئی دہلی، 25 جولائی (ہ س)۔ شہری ہوابازی کی وزارت نے بین الاقوامی مسافروں کوفرضی ”ایئر سوودھا 2.0“ پورٹلز سے محتاط رہنے کے لئے خبردار کیا ہے ، جو انہیں ادائیگی کے گیٹ وے پر بھیج کر دھوکہ دے رہے ہیں۔ وزارت نے واضح کیا کہ سیلف ڈیکلریشن فارم کو مکمل کرنا پوری طرح مفت ہے۔ لہٰذا، انہیں سرکاری ”ایئر سوویدھا 2.0“ پورٹل استعمال کرنا چاہیے۔

ہفتہ کو جاری ایک بیان میں، شہری ہوا بازی کی وزارت نے کہا کہ مسافروں کو نقلی ”ایئر سویدھا 2.0“ ویب سائٹس سے ہوشیار رہنے کے لئے خبردار کیا گیا ہے ۔ وزارت نے کہا کہ ان فرضی ویب سائٹس اور پورٹلز کے بارے میں یہ انتباہ جاری کیا گیا ہے جو خود کو سرکاری ”ایئر سوودھا 2.0“ پلیٹ فارم ہونے کا دعوی کرتے ہیں اور صارفین کو ادائیگی کے گیٹ وے پر بھیجتے ہیں۔

وزارت نے کہا کہ ’ایئر سوودھا 2.0‘ کی خدمات مفت ہیں اور مسافروں کو ’سیلف ڈیکلریشن فارم‘ جمع کرانے کے لیے کوئی فیس ادا کرنے کی ضرورت نہیں ہے۔

شہری ہوا بازی کی وزارت نے کہا کہ اس کے نوٹس میں آیا ہے کہ کچھ جعلی ویب سائٹس اور پورٹل ایئر سوودھا 2.0 کا بہانہ کر رہے ہیں اور مسافروں کو ادائیگی کے گیٹ وے پر بھیج کر گمراہ کر رہے ہیں۔ وزارت نے کہا کہ ایئر سہولت 2.0 کا واحد سرکاری پورٹل https://airsuvidha.civilaviation.gov.in/ ہے۔ لہٰذا مسافروں سے درخواست کی جاتی ہے کہ وہ کسی بھی ذاتی یا سفر سے متعلق معلومات کا اشتراک کرنے سے پہلے ویب سائٹ کے یو آر ایل کو احتیاط سے چیک کریں اور کسی بھی غیر مجاز ویب سائٹ پر ادائیگی کرنے سے گریز کریں جو ایئر سوودھا 2.0 خدمات فراہم کرنے کا دعوی کرتی ہے۔

وزارت نے کہا کہ مسافروں کو مطلع کیا جاتا ہے کہ ایئر سویدھا 2.0 خدمات مفت فراہم کی جاتی ہیں اور سیلف ڈکلیریشن فارم جمع کرانے کی کوئی فیس نہیں ہے۔ مسافروں سے درخواست کی جاتی ہے کہ وہ صرف سرکاری پورٹل استعمال کریں اور مستند معلومات کے لیے مکمل طور پر حکومتی اطلاعات پر انحصار کریں۔

ہندوستھان سماچار

ہندوستان سماچار / محمد شہزاد