نئی دہلی، 22 جولائی (ہ س):۔

سپریم کورٹ بار ایسوسی ایشن (ایس سی بی اے) اور سپریم کورٹ ایڈوکیٹس آن ریکارڈ ایسوسی ایشن (ایس سی اے او آر اے) نے پارلیمنٹ مارچ کے دوران احتجاج کرنے والے طلباءکے خلاف دہلی پولیس کے ذریعہ طاقت کے استعمال کی مذمت کی ہے۔ دونوں تنظیموں نے پولیس کی کارروائی کی آزادانہ تحقیقات کا مطالبہ کیا ہے۔

سپریم کورٹ بار ایسوسی ایشن کا اجلاس ہوا اور طلباء پر لاٹھی چارج کی شدید مذمت کی۔ ایس سی بی اے نے بتایا کہ لاٹھی چارج میں کئی طلباء شدید زخمی ہوئے، اور سپریم کورٹ بار ایسوسی ایشن کا ایک رکن بھی زخمی ہوا۔ طلباء اور وکلاء کے خلاف پولیس کی بربریت جمہوری معاشرے میں ناقابل قبول ہے۔ ایس سی بی اے نے پولیس کی زیادتیوں کی فوری، شفاف اور بروقت تحقیقات کا مطالبہ کیا ہے، تاکہ ذمہ دار افسران کی نشاندہی کی جا سکے اور ان کے خلاف کارروائی کی جا سکے۔

سپریم کورٹ ایڈوکیٹ آن ریکارڈ ایسوسی ایشن نے احتجاجی طلباء اور نوجوانوں کے خلاف دہلی پولیس کے ذریعہ طاقت کے استعمال پر گہری تشویش کا اظہار کیا ہے۔ ایسوسی ایشن نے کہا کہ طلباء اور نوجوان عوامی امتحانات میں ہونے والی بددیانتی کے خلاف احتجاج کر رہے ہیں۔ ایسوسی ایشن نے طلباء کے خلاف لاٹھی چارج اور آنسو گیس کی شیلنگ کا حوالہ دیا۔ ایسوسی ایشن نے کہا کہ پرامن احتجاج کرنا آئین کے آرٹیکل 19(1)(a) اور 19(1)(b) کے تحت ضمانت یافتہ حق ہے۔

ہندوستھان سماچار

ہندوستان سماچار / عطاءاللہ