ایودھیا، 22 جولائی (ہ س)۔

شری رام جنم بھومی تیرتھ چھیتر ٹرسٹ کے نیاس منڈل (بورڈ آف ٹرسٹیز) کی میٹنگ بدھ کو ٹرسٹ کے صدر مہنت نرتیہ گوپال داس مہاراج کی صدارت میں شری منیرام داس چھاو¿نی میں ہوئی۔ میٹنگ کے بعد ٹرسٹ کے جنرل سکریٹری کرشن موہن کی طرف سے جاری کردہ ایک پریس ریلیز میں کہا گیا ہے کہ میٹنگ میں ساون کے مہینے میں عقیدت مندوں کے متوقع بڑھتی ہوئی تعداد کو دیکھتے ہوئے درشن انتظامات، بورڈ آف ٹرسٹیز میں خالی عہدوں کو پ±ر کرنے، چڑھاوے کے حساب کتاب کے نظام، چیف ایگزیکٹیو آفیسر (سی ای او) کے انتخاب اور دیگر انتظامی اور مذہبی امور پر تفصیلی تبادلہ خیال کیا گیا ۔

پریس ریلیز کے مطابق چڑھاوے کے حساب کتاب کے عمل میں مبینہ بے ضابطگیوں کی تحقیقات کرنے والی خصوصی تحقیقاتی ٹیم (ایس آئی ٹی) کی حتمی رپورٹ ابھی تک موصول نہیں ہوئی ہے۔ اس لیے اس موضوع پر کوئی تفصیلی بحث نہیں ہو سکی۔ اجلاس میں اس معاملے سے متعلق سپریم کورٹ میں زیر التوا درخواستوں کی سماعت اور عدالتی احکامات پر پیش رفت کا بھی جائزہ لیا گیا۔

ذمہ داران نے مندر احاطے میں نصب سی سی ٹی وی کیمروں کی سیکورٹی انتظامات کا جائزہ لیتے ہوئے اطمینان کا اظہار کیا کہ چڑھاواگننے کی گھر سمیت تمام کیمروں کی رسائی متعلقہ سیکورٹی عہدیداروں کو پہلے سے دستیاب کرائی جا چکی ہے ۔ ساتھ ہی یہ بھی بتایا گیا کہ بھارتی ریزرو بینک کے معاون ادارے کی ٹکسال (منٹ) کے تعاون سے سونے اور چاندی کے چڑھاوے کی مقدار اور شفافیت کی جانچ کا انتظام پہلے کی طرح ہے چلتا رہے گا۔

میٹنگ میں اسٹیٹ بینک آف انڈیا کے ساتھ مفاہمت نامے کے تحت بینک کی ذمہ داریوں پر چڑھاو¿ںکی گنتی اور ان کے اخراج میں پائی گئی مبینہ غلطیوں پر بھی تبادلہ خیال کیا گیا۔ ٹرسٹ نے بے ضابطگیوں کے منظر عام پر آنے کے بعد بینک کی جانب سے جواب نہ دینے اور متوقع سنجیدگی پر مایوسی کا اظہار کیا۔

چیف ایگزیکٹیو آفیسر (سی ای او) کے انتخاب کے لیے بنائی گئی کمیٹی نے بڑی تعداد میں درخواستیں موصول ہونے کی وجہ سے انتخاب کے عمل کو مکمل کرنے کے لیے مزید ایک ماہ کی درخواست کی۔

ہندوستھان سماچار

ہندوستان سماچار / عطاءاللہ