فیروز آباد، 20 جولائی (ہ س)۔

اتر پردیش کے فیروز آباد ضلع کے ناصر پور پولیس اسٹیشن کی ٹیم نے اتوار کی رات دیر گئے ایک انکاو¿نٹر میں ڈاکہ زنی کرنے والے پانچ ملزمین کو گرفتار کر لیا۔ گرفتار ملزموں میں سے ایک کے پیر میں گولی لگی ہے جسے علاج کے لیے اسپتال میں داخل کرایا گیا ہے۔

ایڈیشنل سپرنٹنڈنٹ آف پولیس (دیہی) انوج چودھری نے بتایا کہ 12 جولائی کو بھنور سنگھ ولد جسرام ساکن گاﺅں راہل نے پولیس کو اطلاع دی کہ نامعلوم چور رات کے وقت اینٹوں کی دیوار توڑ کر اس کے گھر میں داخل ہوئے اور صندوقوں اور الماریوں سے سونے اور چاندی کے زیورات چرا کر لے گئے۔ پولیس نے مقدمہ درج کر کے ملزمان کی تلاش شروع کر دی۔

اے ایس پی نے بتایا کہ اسٹیشن ہاو¿س آفیسر (ایس ایچ او) ناصر پور، جسویر سنگھ، اتوار کی رات دیر گئے ایک پولیس ٹیم کے ساتھ علاقے میں گشت کر رہے تھے جب انہیں اطلاع ملی کہ کچھ بد معاش گاو¿ں ریپڈی کے جنگل میں چوری کی منصوبہ بندی کر رہے ہیں۔ اس اطلاع کی بنیاد پر پولیس ٹیم نے محاصرہ کیا۔ پولیس کو دیکھ کر ایک بد معاش نے قتل کی نیت سے فائرنگ کر دی۔ اپنے دفاع میں، پولیس ٹیم نے جوابی فائرنگ کی، جس سے ایک بد معاش پیرمیں زخمی ہوا اور گر گیا۔ اس کی شناخت تیج سنگھ ولد گیان سنگھ ساکن پارولی، فتح آباد آگرہ کے طور پر کی گئی ہے۔ چار دیگر ملزم نعیم چند ولد چھوٹے لال ساکن دھرپورہ، فتح آباد تھانہ آگرہ؛ سریش چندر ولد سیورام ساکن ساہد پور، فتح آباد تھانہ آگرہ؛ اس کارروائی میں سیارام ولد کیدار سنگھ اور رادھے شیام ولد کیدار سنگھ ساکن بپروالی بھاوناتھ کی ٹھار، پنہاٹ تھانہ آگرہ کو بھی گرفتار کیا گیا۔

زخمی بد معاش کے قبضے سے ایک 315 بور پستول، تین خالی کارتوس اور ایک زندہ کارتوس برآمد ہوا۔ پولیس نے ان سے راہل گاو¿ں سے چوری کیے گئے زیورات برآمد کر لیے۔

اے ایس پی نے بتایا کہ زخمی ملزم تیج سنگھ کو پولیس کی تحویل میں علاج کے لیے سی ایچ سی شکوہ آباد میں داخل کرایا گیا ہے۔ دیگر گرفتار ملزموں کے خلاف مزید قانونی کارروائی جاری ہے۔

ہندوستھان سماچار

ہندوستان سماچار / عطاءاللہ