ٹوکیو، 19 جولائی (ہ س) ۔

ہندوستان کی اسٹار شٹلر پی وی سندھو نے اتوار کو شاندار کارکردگی کا مظاہرہ کرتے ہوئے جاپان کی اکانے یاماگوچی کو سیدھے گیمز میں شکست دے کر جاپان اوپن 2026 خواتین کے سنگلز کا خطاب جیت لیا۔ اس جیت کے ساتھ ہی سندھو جاپان اوپن جیتنے والی پہلی ہندوستانی کھلاڑی بن گئیں۔

فائنل میں، سندھو نے جارحانہ اسمیش، درست ڈراپ شاٹس اور بہترین کورٹ کوریج کا مظاہرہ کرتے ہوئے گھریلو کھلاڑی یاماگوچی کو صرف 50 منٹ میں 21-17، 21-17 سے شکست دی۔ اس کے ساتھ ہی انہوںنے اپنے کیریئر کا پہلا بی ڈبلیو ایف سپر 750 ٹائٹل بھی جیتا۔

چار سال بعد ایک اہم خطاب

سنگاپور اوپن سپر 500 (2022) کے بعد یہ 31 سالہ سندھو کا پہلا بڑا ٹائٹل ہے۔ وہ زخموں کی وجہ سے پچھلے دو سالوں میں ایک مشکل دور سے گزری تھیں، اور انہوںنے اپنی تال اور مستقل مزاجی کو دوبارہ حاصل کرنے کے لیے جدوجہد کی۔ یہ جاپان اوپن ٹائٹل ان کی شاندار واپسی کا ثبوت ہے۔

یاماگوچی پر سبقت

اس جیت کے ساتھ ہی سندھو نے تین بار کی عالمی چیمپئن اکانا یاماگوچی کے خلاف اپنے ریکارڈ کو 16-14 سے بہتر کر لیا۔ اس سے قبل انہوںنے 2022 تھائی لینڈ اوپن میں مکمل میچ میں یاماگوچی کو شکست دی تھی۔

گیم میں شاندار واپسی

پہلے گیم میں دونوں کھلاڑیوں کے درمیان سخت مقابلہ دیکھنے کو ملا۔ یاماگوچی نے ہاف ٹائم میں دو پوائنٹس کی برتری حاصل کی، لیکن سندھو نے پھر اپنا کھیل بڑھایا اور مسلسل دباو¿ ڈالا۔

17-15 پر، دونوں کھلاڑیوں کے درمیان 38 شاٹ کی شاندار ریلی ہوئی، جس میں یاماگوچی نے شاندار دفاع کیا۔ تاہم، 17-17 کے ڈرا کے بعد، سندھو نے لگاتار چار پوائنٹس جیت کر پہلا گیم 21-17 سے اپنے نام کر لیا

دوسرے گیم میں کوئی موقع نہیں

دوسرے گیم میں سندھو نے شروع سے ہی جارحانہ رویہ اپنایا اور 8-3 اور پھر 14-7 کی مضبوط برتری حاصل کی۔ یاماگوچی نے آخری مراحل میں واپسی کرتے ہوئے اسکور کو 19-17 تک پہنچایا، لیکن سندھو نے اپنا حوصلہ برقرار رکھا اور لگاتار دو پوائنٹس حاصل کرکے میچ اور ٹائٹل اپنے نام کیا۔

اس جیت کے ساتھ ہی سندھو نے ایک بار پھر دنیا کے ٹاپ بیڈمنٹن کھلاڑیوں میں اپنا مقام ثابت کیا اور آنے والے بڑے ٹورنامنٹس کے لیے اپنے مضبوط ارادوں کا اشارہ دیا۔

ہندوستھان سماچار

ہندوستان سماچار / عطاءاللہ