معروف ٹی وی اداکارہ جینیفر ونگیٹ کی مبینہ شادی کو لے کر سوشل میڈیا پر چہ مگوئیوں کا سلسلہ تیز ہو گیا ہے۔ مختلف رپورٹس میں دعویٰ کیا جا رہا ہے کہ جینیفر نے 16 جولائی کو برطانیہ میں سنگاپور کے تاجر ولیم اسمٰعیل کے ساتھ ایک نجی تقریب میں شادی کر لی ہے۔ تاہم، اداکارہ یا ان کے اہل خانہ کی جانب سے اب تک اس سلسلے میں کوئی بیان جاری نہیں کیا گیا ہے۔

سوشل میڈیا پر وائرل ہونے والی چند ویڈیوز نے ان قیاس آرائیوں کو مزید تقویت دی ہے۔ ان ویڈیوز میں جینیفر سفید ویڈنگ گاؤن کا ٹرائل کرتی اور ڈیزائنرز کے ساتھ لباس کی باریکیوں پر گفتگو کرتی نظر آ رہی ہیں۔ ایک اور کلپ میں وہ تیار شدہ ویڈنگ ڈریس پہن کر بے حد خوش دکھائی دے رہی ہیں۔ ان ویڈیوز کے منظر عام پر آنے کے بعد مداح ان کی شادی کے حوالے سے مختلف قیاس آرائیاں کر رہے ہیں۔

رپورٹوں کے مطابق، شادی کی تقریب میں صرف دونوں خاندانوں کے افراد اور قریبی دوستوں نے شرکت کی تھی۔ تاہم، اب تک نہ تو جینیفر ونگیٹ اور نہ ہی ولیم اسمٰعیل کی جانب سے کوئی باضابطہ بیان جاری کیا گیا ہے۔ ایسی صورت میں شادی کی خبروں کی فی الحال تصدیق نہیں ہو سکی ہے اور مداح باضابطہ اعلان کا انتظار کر رہے ہیں۔

ہندوستھان سماچار

---------------

ہندوستان سماچار / عبدالواحد