نئی دہلی، 13 جولائی (ہ س)۔ مرکزی زراعت، کسانوں کی بہبود اور دیہی ترقی کے وزیر شیوراج سنگھ چوہان 13 سے 14 جولائی تک مغربی بنگال کے دورے پر ہوں گے۔ اس دورے کے دوران چوہان وزیر اعلی شبھیندو ادھیکاری کے ساتھ زراعت اور دیہی ترقی پر ایک اہم میٹنگ کریں گے اور جوٹ کے کسانوں اور اپنی مدد آپ گروپوں سے وابستہ خواتین سے براہ راست بات چیت کریں گے۔
شیوراج سنگھ چوہان 13 جولائی کی شام دہلی سے کولکاتا پہنچیں گے اور سیدھے وزیر اعلی کی رہائش گاہ جائیں گے۔ عشائیہ کے ساتھ ہونے والی اس میٹنگ میں زراعت، کسان اسکیموں، دیہی سڑکوں، مکانات اور روزگار جیسے موضوعات پر مرکزی اور ریاستی قیادت ایک ساتھ تبادلہ خیال کرے گی۔
دوسرے دن، 14 جولائی کو، کولکاتا کی نئی سکریٹریٹ بلڈنگ میں ایک اعلیٰ سطحی میٹنگ ہوگی۔ شیوراج کے ساتھ وزیر اعلیٰ، چیف سکریٹری، متعلقہ محکموں کے افسران اور مرکزی حکومت کے سینئر افسران شامل ہوں گے۔ زراعت اور کسانوں کی بہبود کی وزارت، دیہی ترقی کی وزارت اور آئی سی اے آر کی ٹیمیں پی ایم -کسان ، پردھان منتری فصل بیمہ یوجنا، پردھان منتری کرشی دھن دھانیہ یوجنا، ایم ایس پی ، وکست بھارت-جی رام جی ا، دیہی سڑک ، مکانات اور پنچایتوں کو ملنے والے فنڈ کے مستقبل کے روڈ میپ پر تفصیل سے بات چیت کی جائے گی۔
دوپہر میں شیوراج سنگھ چوہان بیرک پور میں واقع آئی سی اے آر- سی آر آئی جیف پہنچیں گے۔یہاں جوٹکے شعبے کے کسان اور اپنی مدد آپ گروپوں کی خواتین وہاں جمع ہوں گی۔ وزیر زراعت چوہان انسٹی ٹیوٹ کے سائنسدانوں کے ساتھ جوٹ کی بہتر اقسام، جدید ریٹنگ، پانی کے تحفظ اور پروسیسنگ اور مارکیٹنگ کی آسان تکنیکوں پر تبادلہ خیال کریں گے۔ خواتین کے گروپوں کو یہ بھی سکھایا جائے گا کہ کیسے جوٹ پر مبنی مصنوعات اور ویلیو ایڈیشن کے ذریعے چھوٹے کاروباری ادارے قائم کیے جائیں، اس طرح گاو¿ں میں آمدنی اور روزگار دونوں میں اضافہ ہو۔
ہندوستھا ن سماچار
ہندوستان سماچار / محمد شہزاد
