نئی دہلی، 13 جولائی (ہ س)۔
قطر کے سابق امیر شیخ حمد بن خلیفہ الثانی کی موت کے بعد اعلان کردہ ایک روزہ قومی سوگ کے موقع پر پیر کو دہلی کی تمام سرکاری عمارتوں پر قومی پرچم کو نصف سرنگوںکر دیا گیا۔ خراج عقیدت پیش کرنے کے لیے راشٹرپتی بھون، پارلیمنٹ ہاو¿س، کانسٹی ٹیوشن ہاو¿س، نارتھ بلاک اور ساو¿تھ بلاک سمیت اہم انتظامی عمارتوں پر قومی پرچم کو نصف سر نگوںکر دیا گیا۔ وزارت خارجہ کے ترجمان رندھیر جیسوال نے سوشل میڈیا پلیٹ فارم ایکس پر لکھا کہ ہندوستان قطر کے سابق امیر کے اعزاز میں قومی سوگ کا دن منا رہا ہے، جس میں قومی پرچم کو آدھا سرنگوں کیا گیا ہے۔ تعزیت کے اظہار کے لیے کرشی بھون، ریل بھون، ایئر فورس بلڈنگ، اور سیوا تیرتھ کمپلیکس سمیت دیگر سرکاری عمارتوں پر بھی جھنڈے کو نصف سر نگوں کیا گیا۔
قابل ذکر ہے کہ شیخ حمد الثانی 12 جولائی کو 74 سال کی عمر میں انتقال کر گئے تھے، وہ قطر میں فادر امیر کے نام سے جانے جاتے تھے۔ انہوں نے 1995 میں اقتدار سنبھالا اور 18 سال تک ملک کی قیادت کی۔ اپنے دور حکومت میں، قطر نے بڑے پیمانے پر معاشی اصلاحات کیں، ایل این جی کے شعبے میں بہت زیادہ سرمایہ کاری کی، اور دنیا کا سب سے بڑا ایل این جی برآمد کنندہ بن گیا۔ انہوں نے دوحہ کے تعمیراتی منظر نامے کو جدید بنایا اور ملک کی بین الاقوامی ساکھ کو نئی بلندیوں تک پہنچایا۔ 2013 میں، انہوں نے رضاکارانہ طور پر اپنے بیٹے شیخ تمیم بن حمد الثانی کو اقتدار سونپتے ہوئے استعفیٰ دے دیا۔
ہندوستھان سماچار
ہندوستان سماچار / عطاءاللہ
