نئی دہلی، 13 جولائی (ہ س)۔ قومی کمیشن برائے انسانی حقوق (این ایچ آر سی) نے جھارکھنڈ کے لوہردگا ضلع میں ایک رہائشی اسکول کے ہاسٹل میں چار طالبات کو سانپ کے کاٹنے کی خبروں کا از خود نوٹس لیا ہے اور چیف سکریٹری کو نوٹس جاری کرتے ہوئے دو ہفتوں میں تفصیلی رپورٹ طلب کی ہے۔

میڈیا رپورٹس کے مطابق، 7 جولائی کو لوہردگا ضلع کے ایک ہائیر سیکنڈری رہائشی اسکول کے ہاسٹل کے کمرے میں سو رہی چار طالبات کو سانپ نے کاٹ لیا۔ ان میں سے ایک طالبہ کی موت ہو گئی، جبکہ باقی تین زیر علاج ہیں۔ کمیشن نے رپورٹ میں زخمی طالبات کی صحت سے متعلق معلومات دینے کی ہدایت دی ہے۔

ہندوستھان سماچار

ہندوستان سماچار / محمد شہزاد